Watumishi wa TAMISEMI waadhimisha siku 365 za Rais SSH kwa kufanya mazoezi

Imewekwa tar.: March 19th, 2022

Watumishi wa Ofisi ya Rais TAMISEMI pamoja na Taasisi zilizo chini ya Ofisi hiyo wameadhimisha siku 365 za Rais Samia Suluhu Hassan kwa kufanya mazoezi ili kuimarisha miili yao waweze kutekeleza kauli Mbiu ya Kazi iendelee

Akizungumza katika kilele cha mbio za pole (Joggins) Mkurugenzi wa Utumishi na Rasilimali Watu Ofisi ya Rais TAMISEMI Victor Kategere amewaasa watumishi hao kuendelea kulinda afya zao ikiwa ni pamoja na kuendelea na  utaratibu mzuri wa kufanya mazoezi ili kujikinga na magonjwa.

Katika mbio hizo (jogging) zilizofanyika kwa umbali wa kilomita 7 kuzunguka barabara za Mji huo wa Serikali Kategere amesema ni wajibu wa kila Taasisi kuhakikisha afya za watumishi wao ni nzuri kwani kama mtumishi hawezi kufanyakazi kwa uweledi unaotakiwa kama afya zao ni dhaifu, hivyo suala ya ufanyaji mazoezi lichukuliwe kwa uzito katika kila Taasisi”

Aidha, amesema ni wajibu wa kila mtumishi kulinda afya yake kwa kufanya mazoezi na kuepuka magonjwa yasiyoambukiza na pia kuongeza ufanisi sehemu zao za kazi lakini pia mazoezi hayo yafanyike walau mara mbili kwa mwezi.

“Tukio lililofanyika leo sio tukio dogo hivyo ni vema mazoezi hayo yakafanyika kila siku za jumamosi walau mbili kila mwezi lakini pia mazoezi hayo yanaweza kufanyika kila siku jioni baada ya muda wa kazi kwisha katika viwanja vya Serikali Mtumba”

Amefurahishwa na mwitikio mkubwa wa Taasisi nyingine zilizopo chini ya Ofisi ya Rais TAMISEMI zilizojitokeza kushiriki mazoezi hayo ikiwa ni moja ya kudumisha uhusiano bora baina yao.

Naye Enidi Jofrey wa Tume ya Utumishi wa Walimu (TSC) ambaye ni mmoja wa washiriki wa mbio hizo amesema anaushukuru Uongozi wao wa Ofisi ya Rais TAMISEMI kwa kuwakutanisha watumishi wote kwa pamoja katika tukio hilo kwani ni moja ya njia za kujuana na kujenga ujamaa baina yao. Ametoa maoni yake kuwa anatamani zoezi hilo liwe endelevu kwani ni jambo nzuri la kuimarisha afya zao.

Mazoezi hayo yamefanyika katika Mji wa Serikali Mtumba na baadhi ya Taasisi nje ya Ofisi ya Rais TAMISEMI zilihudhuria ambazo Chuo cha Mipango ya Maendeleo Vijijini ni ikiwa ni pamoja na Taasisi zilizo chini ya Ofisi ya Rais TAMISEMI ambazo ni Wakala wa Barabara za Mijini na Vijijini (TARURA), Chuo cha Serikali za Mitaa Hombolo (LGTI) na Wadau wengine wa michezo ambao ni Muungano Jogging.