WASIMAMIZI WA UTOAJI WA HUDUMA ZA AFYA MIKOA NA HALMASHAURI TUNZENI VYUMBA VYA TAKWIMU VILIVYOBORESHWA-DKT. MAHERA OR -TAMISEMI

Imewekwa tar.: September 14th, 2023

Naibu Katibu Mkuu Ofisi ya Rais Tawala za Mikoa na Serikali za Mitaa anayeshughulikia Afya Dkt. Charles Mahera ameielekeza Timu ya Uendeshaji ya Huduma za Afya, Lishe na Ustawi wa Jamii katika Mikoa na Halmashauri (RHMT/CHMT) kutunza  vyumba vya  takwimu vilivyoboreshwa ili viwasadie katika utendaji wa kazi zao.

Dkt. Mahera ameyasema hayo Septemba 13, 2023 Jijini Dodoma wakati akifungua kikao kazi  kinachohusu Matumizi ya Takwimu za Afya, Lishe na Ustawi wa Jamii kwa Waganga Wakuu wa Halmashauri za Dodoma na Dar es Salaam.

Akielezea umuhimu wa kutoa huduma bora za afya  kwa wananchi Dkt. Mahera amesema ni pamoja na kuboresha aneo la matumzi ya takwimu na  ukusanyaji wa taarifa za wagonjwa kupitia mifumo mbalimbali iliyopo katika hosptali zetu amesema matumizi hayo ya mifumo yanaisaidia Serikali kuzichakata taarifa za mgonjwa na kuzitumia katika mipango mbalimbali ili kubaini changamoto ambazo zitafanyiwa kazi kwa wakati.

Dkt. Mahera amesema, kuanzishwa kwa vyumba maalumu vya takwimu ni kwa ajili ya kusaidia  timu kukaa pamoja na kuchakata takwimu “Situation Room (SR) ili kuweza kutambua mapungufu na kisha kufanya maamuzi sahihi kupitia taarifa zilizopatikana katika mfumo wa IMES   (Integrated Monitoring and Evaluation System na DHIS2).

Amesema vyumba vya ukusanyaji wa takwimu vitasaidia  timu ya uendeshaji huduma za Afya, Ustawi wa Jamii kufanya  usimamizi shirikishi kupitia taarifa mbalimbali zilizopo kisha kufanya usimamizi shirikishi ambao utaleta matokeo chanya katika kuboresha huduma za afya.

“Kupitia Mradi wa Data Fi, imeweza kujenga vyumba vya ukusanyaji wa takwimu katika Halmashauri 4  sambamba na kutoa  mafunzo” amesema Dkt. Mahera

Dkt. Mahera amewaelekeza  watalaam hao kutumia vyumba hivyo na kuchambua takwimu za maeneo ya huduma katika eneo la Afya, Ustawi wa Jamii na Lishe na kuwajengea uwezo watumishi wote waliko chini  yao ili kuingiza takwimu sahihi katika mifumo  iliopo na kuwataka kubaini changamoto zilizopo na kuzitatua kwa wakati.