WASHIRIKI WA MAFUNZO YA SEQUIP 891 WAASWA KUYATUMIA MAFUNZO KUONGEZA UFAULU WA SAYANSI NA HISABATI SHULENI

Imewekwa tar.: January 16th, 2025

 Na Fred Kibano - Shinyanga

Katibu Tawala Msaidizi (ELIMU) Bw. Samson Hango amefungua Mafunzo ya Kuwajengea Uwezo Walimu Kazini (MEWAKA) na kuwataka washiriki wapatao 895 kwenda kuyafanyia kazi mafunzo hayo ili kuinua kiwango cha taaluma shuleni.

Bw. Hango ameyasema hay oleo tarehe 16 Januari, 2025 Manispaa ya Shinyanga na kuwataka washiriki hao Kwenda kutumia ujuzi watakaoupata ngazi ya shuleni kwani Serikali inatarajia matokeo Chanya baada ya mafunzo hayo.

Aidha, alisema Mradi wa SEQUIP unatekeleza afua zake ikiwa ni pamoja na ujenzi wa miundombinu na uimarishaji wa ufundishaji na ufundishaji shuleni, kutoa mafunzo kazini (MEWAKA) hatua ambayo ilichukuliwa na Serikali ya Awamu ya Sita ya Dkt. Samia Suluhu Hassan, Rais wa Jamhuri ya Muungano wa Tanzania kwa kuanza na ujenzi wa miundombinu ya shule za wasishana za Mikoa pia ujenzi wa shule za sekondari za kawaida na shule za sekondari za amali na shule salama ili kuboresha elimu nchini.

Naye Bw. Ladslaus Balige Mratibu wa Mradi wa Kuboresha Elimu ya Sekondari (SEQUIP) kutoka Wizara ya Elimu, Sayansi na Teknolojia amesema Wizara ya Elimu, Sayansi na Teknolojia kwa kushirikiana na Ofisi ya Rais TAMISEMI inaendesha mafunzo ya walimu wa sayansi waliopo kazini ambapo jimla ya walimun wa sayansi 881na Wathibiti Ubora wa Elimu 14 wanapatiwa mafunzo hayo.

Aidha, Bw. Baligew amesema matarajio ya Serikali baada ya mafunzo hayo kuwa kutakuwa na ongezeko la umahiri wa walimu katika masomo ya sayansi na hisabati kama vile ufundishaji wa mada ngumu na kuongezeka kwa wanafunzi katika elimu ya sekondari ya juu, vyuo vya kati na elimu ya juu katika masomo yanayoambatana na sayansi na hisabati.

Kwa upande wake Dkt. Absalom Mbilingi ambaye ni Mwenyekiti wa wawezeshaji wa Mafunzo hayo (MEWAKA) amewataka washiriki kushiriki kikamilifu wakati wote wa mafunzo ili Kwenda kuboresha mchato wa ujifunzaji na ufundishaji nje na ndani ya darasa lakini pia kwenda kuwawezesha walimu wenzao ngazi ya shule hususani juunya upimaji wa wanafunzi, ufaraguaji wa zana na njia shirikishi za ufundishaji hali inayotarajiwa kuongeza idadi na ufaulu wa wanafunzi wanaosoma masomo ya sayansi na hisabati kwenye shule wanazofundisha.

Mafunzo hayo yanafanyika kwa muda wa siku tano lengo likiwa ni kuwajengea uwezo walimu wa sayansi na hisabati kuimarisha ujifunzaji na ufundishaji shuleni yanahusisha mikoa mitano ya Shinyanga, Geita, Manyara na Simiyu.