SILINDE AISHUKURU SERIKALI KWA KUTENGA BIL 2.1 KWAAJILI YA KUENDELEZA MICHEZO NCHINI

Imewekwa tar.: August 4th, 2022

OR-TAMISEMI

Naibu Waziri  Ofisi ya Rais-Tawala za Mikoa na Serikali za Mitaa Mhe. David Silinde ameishukuru Serikali ya Jamhuri ya Muungano wa Tanzania  kwa kuendelea kuboresha na kuimarisha Taaluma kupitia michezo nchini kwa kutenga fedha kiasi cha  Bil  2.1 kwaajili ya uendeshaji wa mashindano ya kimichezo kwa shule za Msingi (UMITASHUMNTA) na Sekondari (UMISSETA) nchini.

Akisoma taarifa yake  tarehe 04 Agosti 2022 katika Ufunguzi wa  Mashindano ya UMITASHUMNTA na UMISSETA  Mkoani Tabora  Silinde amesema kuwa  kwa mwaka 2022  Serikali imetenga  Shilingi Bil.2.1 kwaajili ya uendeshaji wa  mashindano  ya kimichezo katika ngazi ya  Msingi na Sekondari.

“Niendelee kuishuru Serikali yetu  inayoongozwa na Rais Samia Suluhu Hassan kwa kuendelea kuboresha na kuimarisha michezo katika  shule za  Msingi, Sekondari    kwa kutoa  fedha zaidi ya  Bil 2  kwaajili ya kuendesha  mashindano haya

Fedha hizo zimetumika  katika kuboresha miundombinu ya  viwanja vya michezo  pamoja na  kuwawezesha wanafunzi na walimu nchini kushiriki  mashindano yote yaliyopangwa  bila kikwazo chochote na kwa ufanisi mkubwa”Mhe. Silinde

Aidha  Mhe.  Silinde amesema kuwa  Serikali kupitia    ofisi ya Rais-TAMISEMI, Wizara ya Elimu Sanyansi na Teknologia  pamoja na Wizara ya Sanaa Tamaduni na Michezo  imebainisha shule 56  nchini ambazo zitakuwa vituo vya kimichezo kwa wanafunzi  wa Shule  Msingi na Sekondari   ili kuendeleza vipaji walivyonavyo pamoja  na Taaluma zao.

"Kupitia Wizara za TAMISEMI, Elimu Sanyansi na Teknologia  pamoja na Wizara ya Sanaa Tamaduni na Michezo tumeweza kubaini shule 56 ambazo zitakuwa vituo vya kimichezo kwa wanafunzi wetu ambao wana vipaji ambao watachaguliwa na Mikoa husika ili tuweze kuendeleza vipaji vyao” Mhe. Silinde

Vilevile Mhe. Silinde amesema kuwa  Serikali imebainisha Mikoa ya Tanga, Mtwara na Tabora kama  vituo vitatu vya kimichezoa mbapo katika Mikoa hiyo   vitajengwa  viwanja mseto(Multi sports) kwaajili ya kuratibu michezo nchini   na tayari Katika Mkoa wa Tabora  ujenzi wa viwanja hivyo unaendelea   katika Shule za Sekondari  Tabora Wavulana na Tabora Wasichana.