WAZIRI KAIRUKI AMEKUTANA NA WAHESHIMIWA WABUNGE WA MKOA WA MARA

Imewekwa tar.: November 11th, 2022

OR -TAMISEMI

Waziri wa Nchi, Ofisi ya Rais Tawala za Mikoa na Serikali za Mitaa Mhe. Angellah Kairuki amekutana na kuzungumza na Waheshimiwa Wabunge wa Mkoa wa Mara masuala yanayowahusu wananchi katika  elimu, afya, miundombinu ya barabara na utendaji  katika Sekretarieti za Mikoa na Mamlaka za Serikali za Mitaa.

Waziri Kairuki amekutana na Waheshimiwa Wabunge  leo tarehe 11 Novemba, 2022 ikiwa ni muendelezo katika kuendelea kukutana na  Waheshimiwa Wabunge kwa lengo la kufahamu, kuzijua changamoto za wananchi kupitia kwa wabunge hao ikiwa wao ndio ndio wawakilishi wa wananchi na kuona ni jinsi gani watashirikiana kwa pamoja katika kutatua changamoto zinazowakabili wananchi katika maeneo yao.

Mhe. Kairuki amewashukuru Waheshimiwa Wabunge hao kwa jinsi walivyotoa ushauri  na kuonesha ushirikiano katika kuzielezea  changamoto za wananchi wa maeneo yao.

"Ninawashukuru Waheshimiwa Wabunge wote  kwa sababu ninyi ndio wawakilishi wa wananchi niseme tu mimi na wataalamu wangu tumeyachukua yale yote mliyoyaeleza na tutayafuatilia kwa lengo ya kuyafanyia kazi" Mhe. Kairuki

Kwa upande wa Mhe. Mbunge Mhandisi  Dkt. Leonard  Chamuriho amemshukuru Waziri Kairuki na watendaji wa Wizara ya TAMISEMI kwa kukaa pamoja na kuzungumza changamoto za wananchi katika maeneo yao amesema, kwa ushirikiano huo wanaimani kuwa watashirikiana na Wizara katika kuzishughulikia na kuzitatua changamoto hizo.