WANAWAKE TAMISEMI KIDEDEA KUVUTA KAMBA BONANZA LA SHIMIWI

Imewekwa tar.: August 20th, 2022

Timu ya kuvuta kamba ya wanawake wa Ofisi ya Rais TAMISEMI imeibuka na ushindi wakati wa tamasha la Uzinduzi wa michezo ya Shirikisho la Michezo ya Wizara na Idara za Serikali (SHIMIWI) ambalo limefanyika leo katika Uwanja wa Jamhuri Jijini Dodoma.

Timu hiyo ya wanawake ilifanikiwa kuwavuta wenzao wa ‘Geological Survey of Tanzania’ (GST) mara mbili bila majibu ambao pia walionekana kuelemewa sana na timu ya wanawake TAMISEMI na ndipo walipoibuka na ushindi huo.

Bonanza hilo lilitanguliwa na mazoezi ya kutembea taratibu ‘jogging’ kuanzia viwanja vya Bunge na kufuatiwa na michezo ya kuvuta kamba, netiboli, riadha na mpira wa miguu.

Mgeni rasmi katika Bonanza hilo alikuwa ni Katibu Mkuu Kiongozi Mheshimiwa Balozi Hussein Katanga ambaye pia ni Mkuu wa Watumishi wa Umma.

Michezo ya SHIMIWI kwa mwaka huu itafanyika Jijini Tanga na itahusisha Wizara na Taasisi za kiserikali nchini.