Wabunge wa shughuli za Ustawi wa Jamii wajengewa uwezo

Imewekwa tar.: November 10th, 2021

Na Asila Twaha OR- TAMISEMI

Mkurugenzi Msaidizi Huduma za Ustawi wa Jamii Ofisi ya Rais Tamisemi, Rasheed Maftah amewaomba Waheshimiwa Wabunge Vinara wa Tasnia wa shughuli za Ustawi wa Jamii kuendelea kuwa mabalozi katika maeneo yao.

Kauli hiyo ameisema leo Novemba 10, 2021 Jijini Dodoma wakati wa ufunguzi wa semina ya kuwajengea uwezo Waheshimiwa Wabunge Vinara wa Tasnia wa shughuli za Ustawi wa Jamii kujua kazi na malengo ya Ustawi wa Jamii nchini na kuwaomba Wabunge hao kuendelea  kufahamu changamoto za jamii zinazo wazunguka katika maeneo yao.

Akifafanua kwa upande wa changamoto za watoto kushindwa kufikia kutimiza ndoto zao kwa sababu mbalimbali zikiwemo utoro mashuleni kupelekea mdondoko amesema kwa Waheshimiwa kujua mfumo Jumuishi wa Ustawi wa Jamii kupitia semina hiyo itawasaidia kutoa elimu kwa jamii.

“niwaombe Waheshimiwa Wabunge tuendelee kutoa ushirikiano kwa makundi maalum na yenye uhitaji watoto walio kwenye mazingira hatarishi, wazee, watu wenye ulemavu na familia zenye uhitaji” amesema Maftah