Vikundi 23 Wilayani Busega vimenufaika na mikopo ya asilimia 10

Imewekwa tar.: February 26th, 2021

Na Mariane Mariane, Busega

Jumla ya Vikundi 23 Wilayani Busega vimeweza kunufaika na mikopo ya asilimia 10 ambapo shilingi milioni 74.4 sawa na asilimia 60.3 ya bajeti zimetolewa kwa vikundi hivyo katika mwaka 2019/2020.  

Mkurugenzi Mtendaji wa Halmashauri ya Wilaya ya Busega Anderson Kabuko amesema kati ya fedha hizo shilingi milioni 41.1 zimetolewa kwa vikundi 16 vya wanawake, shilingi milioni 19.1,  wamekopeshwa vijana na shilingi milioni 3.3 walipewa walemavu.

Miongoni mwa vikundi vilivyopata  mikopo hiyo ni kikundi cha Safina kilichopo Kata ya Lamadi ni kikundi kinachojishughulisha na ufugaji wa Samaki.

Katika kipindi hicho cha mwaka 2019/2020, kikundi hiki kimepatiwa jumla ya TZS miioni 5.1 kwa ajili ya kufuga Samaki.

Huu ni mpango ambao kikundi hicho walikuwa nao lakini kutokana na ukata wa fedha walishindwa kutekeleza lengo lao wakati huo.

Kiongozi wa kikundi hicho anasema kwamba mkopo usio na riba walioupata kutoka halmashauri umewafanya kupiga hatua kama vijana, na wanaamini kwamba wataweza kufikia malengo yao ya muda mrefu.

Kikundi hicho kwa sasa kinafuga samaki aina ya Kambale na kwa baadaye kina malengo ya kufuga aina nyingine ya Samaki.

Wakieleza ni kwanini wameamua kufuga Samaki wanasema ni kwasababu ya uhitaji mkubwa wa Samaki sehemu mbalimbali hapa nchini.

Licha ya kufanya shughuli hiyo kikundi hicho kinakiri kwamba wanahitaji kufanya bidii kubwa katika ufugaji wa Samaki ili kufikia malengo yao.

Kikundi hicho hufuga samaki katika Mabwawa ambayo hujengwa maeneo ambayo hayana muingilio mkubwa wa shughuli zingine.

Kikundi cha Watu Wenye Ulemavu kijulikanacho kama Umoja ni Nguvu kilichopo kijiji cha Nyakaboja kata ya Kabita ambacho kinajishughulisha na ufugaji wa kondoo pamoja na biashara ndogondogo kilipokea mkopo wenye jumla ya TZS Milioni nne.

Kikundi hiki kinafuga Kondoo ambapo mradi huu umekuwa na soko kubwa hivyo kufanya kikundi hicho kuwa na mafanikio katika ufugaji.

Kwa upande mwingine kikundi cha watu wenye ulemavu kijulikanacho kama Twiga kilichopo kata ya Lamadi ni miongoni mwa vikundi vyenye uwekezaji katika shughuli za utengenezaji wa samani, ikiwemo utengenezaji wa vitanda, meza, na viti.

Katika kipindi cha mwaka 2019/2020 kikundi hicho kilipewa mkopo wa jumla ya shilingi milioni sita