UBUNIFU KIVUTIO UMISSETA 2022

Imewekwa tar.: August 15th, 2022

OR - TAMISEMI

Pamoja na michezo mingine inayoendelea katika mashindano ya Michezo katika Shule za Sekondari 2022 ( UMISSETA) washiriki wa michuano hiyo wanatumia vipaji na ubunifu walio nao katika kubuni vitu mbalimbali ambavyo vinaelezea tamaduni, Mila na Desturi  pamoja na asili za Makabila yaliyopo  nchini Tanzania.

Katika ubunifu ulifanywa leo Agosti 15 , 2022 kwa upande wa wanamichezo wasichana, wenyeji wa mashindano ya UMISSETA  2022 ambao ni Mkoa wa Tabora umebuni  ramani ya Jumiya ya  Africa mashriki pamoja na kuzipamba bendera za nchi zinzounda jumuiya hiyo kwa kutumia kokoto zizopakwa rangi vizuri na kuvutia.

Mkoa wa Mwanza  haupo nyuma nao  umetengeneza samaki kwa kuonesha shughuli  kuu ya   uvuvi ambayo ni shughuli kubwa inayofanywa na wakazi wengi wa Mkoa huo katika kujipatia kipato .

Pia washiriki wamebuni moja ya kivutio cha Mkoa huo ambacho ni mawe matatu maarufu sana  Jijini mwanza yaitwayo Bismark Rocks ambayo watu wengi hutembelea .

 Mkoa wa Iringa umebuni gari la mizigo ambalo linatumika kusafirisha mbao nje na ndani ya Mkoa huo .

Kupitia ubunifu huo Mkoa wa Iringa umeweka bayana shughuli kuu inayofanywa na  wananchi wa Mkoa huo ambayo ni uzalishaji  na usafirishaji wa mbao.