Tutayaendeleza yaliyoanzishwa na Hayati Dkt. John Pombe Magufuli – Waziri Ummy

Imewekwa tar.: April 15th, 2021

Waziri wa Nchi Ofisi ya Rais Tawala za Mikoa na Serikali za Mitaa  Mhe Ummy Mwalimu  amesema Serikali ya Awamu ya sita chini ya Uongozi wa Mhe. Samia Suluhu Hassan itaendeleza kazi zilizofanywa na aliyekuwa Rais wa Jamhuri ya Muungano wa Tanzania Hayati Dkt. John Pombe Magufuli katika kutatua kero za wananchi kwenye sekta ya afya, elimu na miundombinu ya barabara.

Akizungumza leo mara baada ya   kukagua maendeleo katika Hospitali ya Uhuru, katika Halmashauri ya Wilaya ya Chamwino Waziri Ummy katika kuhakikisha wanamuenzi Hayati Dkt. John Pombe Magufuli watahakikisha wanaanza mchakato wa ujenzi wa majengo ya awamu ya pili yatakayojumuisha wodi za kulaza wagonjwa

Amesema kuwa Hospitali hiyo ni kubwa sana  na inahudumia mpaka Mikoa na Wilaya  za karibu hivyo ni muhimu  ujenzi wa awamu ya pili  ukamilike  kwa wakati  kuwapunguzia wananchi  kupata huduma mbali  ambapo kwa sasa  wananchi wanafuata baadhi ya huduma  katika hospitali ya rufaa ya Dodoma na Benjamini Mkapa.

Waziri Ummy ameendelea kusema kuwa   Serikali ya sasa  itaendeleza mambo  yote yaliyoanzishwa  na Hayati Dkt. Magufuli ambapo sasa watatoa  kiasi cha shilingi  bilioni 1.7 zinazohitajika  ili kukamilisha  kazi  za ujenzi wa awamu ya pili

Kuhusu watumishi wa afya,Waziri Ummy  amesema katika hospitali hiyo amewataka kufanyakazi kwa kujituma, kujitolea na kufuta maadili ya kazi yao wanapotoa huduma kwa wananchi na kutoa kauli nzuri  kwa wagonjwa wanapowahudumia

Waziri Ummy ametoa wito kwa wananchi wa Chamwino na Mikoa ya Jirani kuhakikisha wanajiunga  na mfuko wa bima ya afya ya Jamii ili waweze  kufaidi huduma zinazotolewa katikaHospitali ya Uhuru.

Nawaomba wananchi hakikisheni mnajiunga na  mfuko wa bima ya afya , ukiangalia  kuna wagonjwa  wanaokuja kupimwa na kipimo cha Ultasaound  wanatakiwa kulipia kiasi cha shilingi 15,000 na kujiandikisha tu anatoa elfu 5,000 wakati  akitoa kiasi cha shilingi 30,000 wanapata huduma watu sita.

Aidha amewatoa hofu watumishi wanaofanyakazi za kujitolea katika hospitali za Serikali itawapa kipaombele katika ajira zitakazotolewa  huku akitaka kuwe na kazi data ya watumishi  wanaojitolea  katika maeneo mbalimbali hapa nchini