TUNAJUA UWEZO WENU TUPO PAMOJA NANYI- MASAYA

Imewekwa tar.: October 15th, 2022

Na. Asila Twaha, Tanga

Mkurugenzi Msaidizi Idara ya Utawala, Usimamizi na Rasilimali Watu Ofisi ya Rais, Tawala za Mikoa na Serikali za Mitaa (TAMISEMI) Marko Masaya amewaeleza wachezaji na walimu wa Timu ya TAMISEMI Sports Club  kuendeleza umoja  wa kufanya mazoezi  kwa kuwa uongozi wa TAMISEMI unajua uwezo mkubwa wa timu hiyo.

Ametoa wito huo Oktoba 15, 2022 alipofika kuwaona kwenye kambi ya   timu ya TAMISEMI Sports Club  katika michezo ya Shirikisho ya Wizara, Idara za Serikali na Mikoa iliyokua inaendelea Jijini Tanga.

Akielezea jinsi viongozi wanavyotambua umuhimu wa ushiriki wa michezo ya SHIMIWI na kuwaruhusu kushiriki.

Amewaeleza kuwa, kwa mwaka huu nafasi walizozipata  bado viongozi wao wataendelea kushirikiana na timu hiyo kwa kuhakikisha wanawawezesha na si tu kwa ushiriki wao wa SHIMIWI, bali kwa kuendeleza ushiriki wa michezo kwa watumishi kwa kushirikiana na viongozi wao sababu michezo hujenga afya na husaidia utendaji  wa kazi kazini.

“Katibu Mkuu Prof. Riziki Shemdoe anatambua umuhimu wenu na anajua vizuri uwezo wa timu ya TAMISEMI Sports Club amesema, ataendelea kushirikiana nanyi kwa kuiendeleza michezo sababu michezo ni ajira, afya na hujenga mahusiano mazuri katika kazi zetu" amesema Masaya

Akiendelea kufafanua kwa nafasi ya timu ya kamba wasichana kuingia katika hatua ya robo fainali, mchezo wa kuendesha baiskeli kushika nafasi ya 11, Bw. Masaya amesema, imeonesha dhahiri  nia ya kushindana na si kushiriki imeonekana jitihada zenu na sisi kama viongozi tutaendelea kushirikiana nanyi.

“Nitoe wito kwa viongozi wa timu kuendelea kushirikiana kwa pamoja na walimu na wanamichezo ili kuendelea kufanya vizuri zaidi sio tu kwa michezo ya SHIMIWI bali kwa mechi zetu zote”

Kwa upande wa Katibu wa timu ya TAMISEMI Sports Club Bw. Alex Morice ameushukuru uongozi wa TAMISEMI na kuahidi kuendelea kuongeza jitihada katika timu hiyo na kuwahamasisha watumishi  kushiriki sababu bado kuna nafasi ya michezo ya kushiriki mbali ya safari hii timu kushiriki michezo michache.

“Wito kwa watumishi wenzangu kuendelea kufanya mazoezi na kuweza  kushiriki michezo sababu michezo ni mingi tunaweza kushiriki drafti, darts, mpira wa miguu, kuendesha baiskeli, karata, riadha, kucheza bao netiboli na kuvuta kamba.

Aidha, michezo ya 36  Shirikisho ya Wizara, Idara za Serikali na Mikoa (SHIMIWI) yalihairishwa leo na Mkuu wa Mkoa wa Tanga Mhe. Omary Mgumba katika uwanja wa mkwakwani.