TARURA Iringa watumia shilingi milioni 153 kukarabati barabara za Kalenga

Imewekwa tar.: April 12th, 2021

Na Mathew Kwembe, Dodoma

Serikali imesema katika mwaka wa fedha 2019/20 imetumia shilingi milioni 153 kwa ajili ya kuchonga tuta la urefu wa kilometa 25 iliyozinufaisha kata za Maboga, Wasa na kalenga kwa gharama ya shilingi milioni 153.

Aidha TARURA ilifanya matengenezo ya kawaida kwenye barabara ya magubike, Igangindung’u, yenye urefu wa kilometa nane iliyovinufaisha vijiji vya Kihanga, na Mwambao kwa gharama ya shilingi milioni 69.1

Akijibu bungeni leo kwa niaba ya Waziri wa Nchi, swali la Mhe Grace VictorTendega mbunge wa viti maalum, Naibu Waziri Ofisi ya Rais TAMISEMI Mhe.David Silinde amesema kuwa katika kipindi cha mwaka 2020/21, barabara hizo zimetengewa kiasi kingine cha shilingi milioni 54 za matengenezo.

Katika swali lake la msingi Mhe Tendega alitaka kujua ni lini serikali itahakikisha barabara  za kutoka kalenga kuelekea kata za ulanda, maboga, wasa, kahanga hadi kijiji cha mwambao zitatengenezwa kwa kiwango cha changarawe ili zipitike.

Mhe.Silinde ameongeza kuwa serikali itaendelea kujenga na kukarabati miundombinu ya barabara na madaraja nchi nzima kwa kadri fedha itakapopatikana.