Serikali yatumia takribani shilingi Trilioni 3.5 ujenzi wa miundombinu Serikali za Mitaa.

Imewekwa tar.: August 5th, 2020

KATIKA kipindi cha miaka mitano, Serikali imetumia takribani Sh trilioni 3.463 kwa ajili ya ujenzi wa miundombinu mbalimbali ya barabara katika Mamlaka za Serikali za Mitaa.

Hayo yamebainishwa na Waziri wa Nchi, Ofisi ya Rais na Tawala za Mikoa na Serikali za Mitaa, Mhe.Selemani Jafo wakati wa kuelezea mafanikio katika sekta ya miundombinu ikiwa ni siku ya tatu ya maadhimisho ya Siku ya TAMISEMI.

Amesema fedha hizo zikiwamo Sh trilioni 1.03 zilizoelekezwa  kwa Wakala wa Barabara Vijijini na Mijini (TARURA) na Sh trililioni 1.98 ambazo ni fedha maalumu zilizotumika kujenga mtandao wa barabara za lami katika miji ya kimkakati, Manishaa na Halmashuri za Miji na Jiji la Dar es Salaam.

Amesema  hatua hiyo imesaidia kuongezeka kwa mtandano wa barara za lami kwa mamlaka ya serikali za mitaa kwa urefu wa kilimita 699.5 ambayo ni asilimia asilimia 52 kutoka kilomita 1,325.49 mwaka 2015 hadi kufikia kilimita 2,024.99 mwaka 2020.

Amesema kwa upande wa barabara za changarawe kwa Mamalaka za Serikali za mitaa kulikuwa na barabar zenye urefu wa kilomita 22,089 na baada ya maboresho zimefikia urefu wa kilomita 24,193 ikiwa na ongezeko kwa asilimia 11 huku serikali ikiimarisha barabara za vumbi(udongo) na kufikia urefu wa kilomita 82,428 wakati madaraja makubwa yaliyojengwa ni 99.

“ Mtandao wa barabara zenye hali nzuri na wastani  umeongezeka kutoka kilomita 61,798.45 hadi kufikia kilomita 63,164.74 sawa na ongezeko la barabara zenye hali nzuri na wastani urefu wa kilomita 1,366.29, hii inafanya barabara zenye hali nzuri kutoka asilimilia 56 mwaka 2015 hadi kufikia asilimia 58 mwaka huu,”

“Hii inaonesha utashi wa Rais wa Jamhuri ya muungano wa Tanzania Mhe. John Pombe Magufuli wa kuhakikisha wananchi wanatengenezewa mtandao wa barabara na hii imesahidia hata wakulima kuweza kusafarisha mazao yao, siku za nyuma watu walikuwa wanateseka sana, tunamshukuru Rais kwa kuwezesha hili.” Amesisitiza  Mhe. Jafo

Akifafanua zaidi anasema  mbali na barabara, lakini pia Serikali imewezesha ujenzi wa stendi za kisasa 24, stendi za malori, masoko ya kisasa  katika Mamlaka za Serikali za Mitaa , madapo ya kisasa katika baadhi ya Miji.

Kuhusu  mradi wa Wakala wa Mabasi Yaendayo Haraka katika Jiji la Dar es Salaam (DART), Mhe. Jafo  amesema ikiwa kazi za awamu ya pili ya mradi huo ikishika kasi, awamu ya kwanza imekuwa na mafanikio ya kuongeza abiria kutoka watu 75,000 kwa siku hadi kufikia abiria zaidi ya 200,000 kwa siku.

“ Bado tunaendelea na maandalizi ya kumtafuta mtoa huduma wa kudumu atakayekuwa na uwezo kutoa huduma ya mabasi 305 ikilinganishwa na mtoa huduma wa sasa ambaye ana uwezo wa kutoa huduma ya mabasi 140.”amesema Mhe. Jafo

Naye Meneja wa Mfuko wa Barabara,  Eliud Nyauhenga amesema  magari kuzidisha mzigo ni moja ya changamoto inayorudisha nyuma juhudi za serikali katika maendeleo ya sekta ya barabara.

“ Uzidishaji mizigo kwenye magari kinyume na matakwa ya sheria imekuwa ikichangia sana uharibidu wa barabara, mfano kwa sasa huko vijijini magari yanayokwenda kubeba mazao wamekuwa wakizidisha uzito jambo ambalo linaharibu miundombinu.” Anafafanua Nyauhenga