Jiji la Tanga lapongezwa kwa kubuni vyanzo vipya vya mapato

Imewekwa tar.: January 7th, 2021

Na Mwandishi wetu

Naibu Waziri Ofisi ya Rais Tawala za Mikoa na Serikali za Mitaa Dkt Festo John Dugange ameipongeza Halmashauri ya Jiji Tanga kwa kutekeleza kwa vitendo miongozo ya serikali ya kutenga fedha na kuwekeza kwenye huduma za kijamii ikiwemo ujenzi na ukarabati wa madarasa, vituo vya afya na kutoa mikopo ya asilimia kumi kwa akina mama, vijana na wenye ulemavu.

Dkt Dugange ameyasema hayo baada ya kupokea taarifa na kukagua miradi ya maendeleo kwenye halmashauri ya jiji hilo mapema wakati wa ziara yake ya kikazi mkoani Tanga.

“Jiji la Tanga mmesimamia vizuri maelekezo ya serikali kwani mmetoa pesa kwa wananchi kama ilivyokusudiwa kwenye bajeti yenu, hakika mnastahili pongezi,” alisema Dkt Dungange

Pia aliwapongeza kwa kufanya ubunifu mkubwa wa kuwekeza kwenye miradi ya kimkakati ya kupata mapato ya ndani ya halmashauri kwa ujenzi wa jengo la kitega uchumi katika eneo la stendi ya mkoa.

“Jengo hili la kitega uchumi litaongeza wigo wa mapato na

uwezo wa kujitegemea kwa halmashauri na kuipunguzia mzigo serikali kuu,” alisema Dkt Dugange.

Aidha alizitaka mamlaka za serikali za mitaa zote nchini kufanya mipango ya kibunifu itakayoibua vyanzo vipya mapato na kuwezesha uwekezaji kwenye mahitaji muhimu ya huduma za kijamii na kiuchumi utakaoimarisha ustawi wa jamii na wananchi wahitaji.

Alisisitiza kuwa endapo halmashauri zitatekeleza na kuwajibika ipasavyo, hakutakuwa na malalamiko ya wananchi na kwa hiyo kutaongeza imani maradufu kwa serikali yao inayoongozwa na Rais wa awamu ya tano Dkt John Pombe Joseph Magufuli.

Awali akitoa taarifa ya utekelezaji wa miradi ya maendeleo, mkurugenzi wa jiji la Tanga Bwana Daudi Mayeji alieleza

kuwa jiji Tanga imetoa zaidi ya shilingi milioni 200 kukarabati na kujenga madarasa 48 kwa ajili ya kupokea wanafunzi wote wa kidato cha kwanza waliochaguliwa ifikapo 11 januari kabla ya ukomo uliotolewa na serikali