Jiji la Dodoma latakiwa kuboresha Miundombinu ya ukusanyaji taka

Imewekwa tar.: June 22nd, 2018

Angela Msimbira –OR TAMISEMI Dodoma 

Naibu Waziri Ofisi ya Rais Tawala za Mikoa na Serikali za Mitaa Mhe. Josephat Sinkamba Kandege ameiagiza Halmashauri ya Jiji la Dodoma kuboresha miundombinu ya ukusanyaji taka kuanzia ngazi ya Kaya, Mitaa na Kata ili kudumisha usafi wa Mazingira  katika Jiji hilo.

Ameyasema hayo alipotembelea leo Dampo la Kisasa la Chidaya lililopo katika kata ya Matumbulu, Tarafa ya Zuzu, Jiji la Dodoma kuangalia miundombinu ya Dampo hilo.

Amesema kuwa Halmashauri ya Jiji la Dodoma inatakiwa kuwa na ubunifu wa kukuza ajira kwa vijana wanawake kwa kuanzisha viwanda ambavyo vitazalisha bidhaa ambayo zinatokana na taka hizo kama mbolea.

Ameitaka Halmashauri ya Jiji  kuweka vifaa vitakavyoweza kupima sumu inayotokana  na taka ili kubaini  athari yake kwa mazingira na viumbe hai.

Mhe Kandege ameitaka Halmashauri ya Jiji kutumia DAMPO hilo la Chidaya kama chanzo cha mapato na liweze kujiendesha  lenyewe  na ameipongeza kwa kuwa na Mradi uliotekelezwa  vizuri na kwa ubora unaotakikana.

Wakati huohuo Bw. John Kiwanga kutoka Manispaa amesema kuwa Dampo hilo lilianza kujengwa katika mwaka wa fedha wa 2012/2013 na kukamilika mwaka 2015/2016 na liligharimu shilingi bilioni 7

 Aidha amesema kuwa Dampo hilo linapokea  taka wastani  wa Tani 150 hadi  184 kati ya tani 236 zinazozalishwa  kwa siku katika Jiji la Dodoma na taka hizo si hatarishi na mpaka Mei, 2018 tayari zimepokelewa  tani 38,52