CMT ZAANZA KUJENGEWA UWEZO UTEKELEZAJI WA MPANGO KABAMBE & GIS

Imewekwa tar.: June 26th, 2023

Timu za Menejimenti za Halmashauri nchini zimeanza kupewa mafunzo ya miongozo ya Utekelezaji wa Mipango Kabambe (Mater Plans) na Mfumo ya Taarifa Kijiografia (Geographical Information Systeamas (GIS) ili ziweze kusimamia utekelezaji wa mipango hiyo katika maeneo yao kikamilifu.

Akizungumza katika mafunzo hayo kwa Council Management Team (CMT) ya Halmashauri ya Wilaya ya Chamwino yaliyofanyika kwenye ukumbi wa Mikutano wa Mkuu wa Mkoa Dodoma tarehe 23.06.2023 Afisa Mipangomiji Mwandamizi kutoka Ofisi ya Rais - TAMISEMI Bw. George Joseph Miringay amesema mafunzo hayo yanalengwa kuwezesha Sekreterieti za Mikoa na Mamlaka za Serikali za Mitaa kote nchini kuweka mikakati ya matumizi ya taarifa za Kijiografia (GIS) kwenye kufanya maamuzi sahihi ya kupanga, kugawa, kufikisha rasilimali fedha and huduma stahiki za kijamii kama afya, elimu, maji, barabara kwa wananchi na kuendana na mabadiliko ya teknolojia.

Bw.Miringay amewahimiza washiriki kuhakikisha wanaingiza kwenye Mipango ya Halmashauri Bajeti ya utekelezaji wa Mipango Kabambe iliyopo ili kuwezesha ukuaji salaama na endelevu wa Miji yao.

Miringay amefafanua kuwa Miji ina zaliwa, inakua na kufa, hivyo ni jukumu la menejimenti kuhakikisha kuwa Miji haifi na inakua endelevu kwa kupanga na kuandaa mikakati maalumu ya kiuchumi ya kuendeleza miji yao.

Sambamba na hayo, Bwana Miringay amewataarifu Wajumbe wa CMT ya Chamiwno DC kwamba Halmashauri yao imebeba Majengo ya Ikulu ya Jamuhuri ya Muungano wa Tanzania na kufuatia uwekezaji na uendelezaji uliofanyika Ikulu kimakazi, Kimajenzi na kimiundombinu, eneo hilio Ki – Mipangomiji na mujibu wa sharia za Mipangomiji linapaswa kuwa na hadhi ya Kimji. Pamoja na ukweli huo, hadi sasa hadhi ya Halmashauri hiyo kimipangomiji na Ki - Utawala ni ya Kivijiji (Wilaya) hali hii inapelekea ugumu kwenye kuratibu, kutawala na kusimamia ukuaji na uendelezaji wa eneo hilo Ki - Mipangomiji, kimazingira na kupeleka eneo hilo kuendelezwa Ki - Vijiji.

Ili Wilaya ya Chamwino iweze kukua na kuendelezwa kwa viwango CMT ambayo ni Mamlaka ya Upangaji imeshauriwa kutumia uzoefu wa Mpango Kabambe wa Jiji la Biashara na Uwekezaji Kwala ambao umeandaliwa kwenye eneo la Halmashauri ya Kibaha,Kisarawe na Chazinze zenye hadhi ya KiJiji kama ilivyo kwa Chamwino DC.