Wataalamu TEHAMA Wapewa siku 90 kukamilisha Mfumo wa GoTHOMIS

Imewekwa tar.: November 13th, 2019

Wataalamu wa TEHAMA, kutoka Wizara ya Afya, OR-TAMISEMI, Wakala ya Serikali Mtandao na Wizara ya fedha wamepewa  miezi mitatu kukamilisha maboresho ya mfumo wa GoTHOMIS ambao unatumika kwenye vituo vya kutolea huduma za afya kwa ngazi ya Zahanati, Vituo vya Afya, Hospitali za Wilaya  pamoja na zile za Rufaa za Mikoa.

Agizo hilo limetolewa kwa Nyakati tofauti na Katibu Mkuu Wizara ya Afya Dkt. Zainabu Chaula pamoja na Naibu Katibu Mkuu Ofisi ya Rais TAMISEMI Dkt. Dorothy Gwajima, waliopo watembelea wataalamu hao ili kutaka kujua hatua waliyofikia na mustakabali wa ukamilishaji wa kazi hiyo.

Akizungumza wakati wa ziara yake iliyofanyika mapema siku ya Jumapili Naibu Katibu Mkuu Ofisi ya Rais TAMISEMI mara baada yakupokea taarifa kutoka kwa Mkurugenzi wa TEHAMA OR-TAMISEMI, Erick Kitali alisema ni vema kazi hiyo ika kamilika kwa wakati ili Mfumo uweze kufanya kazi na kurahisisha mambo mengi ambayo yamekuwa yakienda ndivyo sivyo.

“Mkurugenzi Erick ametumbia hapa kazi hii itakamilika mwezi Machi, 2020 naomba mkamilishe kama mlivyosema tafadhali” alisema Dkt. Gwajima na kuongeza “Nitumie fursa hii kuwaagiza Wakurugenzi wote wa Halmashauri kuanza sasa maandalizi ya ununuzi wa Komputa kwakuwa gharama zake hazidi milioni 1.5, nawaomba na wao waanze  kwa kununua hata komputa moja moja kupitia mapato ya ndani ili mfumo utakapo kamilika tu waanze kazi mara moja.” Alisisitiza Gwajima.

Kwa upande wake Katibu Mkuu Wizara ya Afya Maendeleo ya Jamii, Jinsia Wazee, Watoto na Watu wenye Ulemavu Dkt. Zainabu Chaula, yeye wakati wa ziara yake mara baada yakupokea taarifa ya utekelezaji wa zoezi hilo alisema muda waliojiwekea ni mkubwa hivyo angependa kuona kazi hiyo inakamilika ndani ya miezi mitatu.

“Mmesema Mfumo utakamilika mwezi machi, 2020, nadhani muda huu mlioweka ni mwingi mno, sasa mimi naagiza ndani ya miezi miwili muwe mmekamilisha na mimi nitafanya ufatiliaji” alisema Dkt. Chaula

Dkt. Chaula alisema kwamba, mbali na kuwapa siku tisini kukamilisha zoezi hilo lakini pia amewataka kutambua ijtihada za wataalamu wazawa ambao ndio waliuasisi mfumo wa GoTHOMIS.

“Kaaya hivi yuko wapi, tunapasema tutembee pamoja, lazima tuwatambue na kwenda nao watu kama hawa, kazi kubwa aliyoifanya mtu huyu atafutwe na tumshirikishe kwani yeye si IT specialist kama nyie”? Alisema Dkt. Chaula na kuhoji.  

Awali wakitoa taarifa ya utekelezaji wa zoezi la uboreshaji wa mfumo huo, Wakurugenzi wa TEHAMA Erick Kitali wa OR-TAMISEMI na Haji Bamsi wa Wizara ya Afya waliwaambia viongozi hao kuwa katika mazingira ya sasa mfumo utagawanyika katika sehemu tatu kuu ambazo GoTHOMISI Lite, standards na Specialized

Erick Kitali alisema, GOTHOMIS Lite, itaweza kutumika katika ngazi ya zahanati na itaweza kutumika teknolojia kama POS au simu za kiganjani ambazo hata miundominu yake ni kazi kufikika kwa sasa wakati, toleo la GOTHOMIS Standard imelenga kutumika na vituo vya afya na hospitali za rufaa zaidi sana toleo litaweza kubadilishana taarifa na mifumo mingine muhimu kama DHIS2, eLMIS na GOTHOMIS Specialized hili nit oleo maalumu kwa ajili ya hospitali za kitaifa kama Muhimbili ambazo hutoa huduma za vertical programs na specialized clinics,”alisema Kitali.

Mfumo wa GoTHOMIS, kwa hivi sasa katika toleo lililotangulia ulishafungwa kwenye vituo vya kutolea huduma za Afya zaidi ya 400 na hivi sasa unafanyiwa maboresho makubwa ili uwe madhubuti na wenye tija kubwa kwa taifa.

Na Atley Kuni- TAMISEMI, Dodoma.