Wafanyakazi Tamisemi washiriki maandano ya Amani kumpongeza Rais

Imewekwa tar.: January 7th, 2019

Wafanyakazi wa Ofisi ya Rais Tawala za Mikoa na Serikali za Mitaa wameshiriki maandamano ya amani ya kumpongeza Rais wa Jamhuri ya Muungano wa Tanzania Dkt. John Joseph Pombe Magufuli kwa kurudisha kikokotoo cha awali kwa mafao ya wafanyakazi.

Katika maandamano hayo Wafanyakazi wote nchini wametakiwa kufanya kazi kwa bidii na kujituma ili kuleta chachu ya ufanisi katika kutekeleza  kazi zao.

Hayo yamebaishwa na Waziri Mkuu Wa Jamhuri Ya Muungano wa Tanzania Mh Kassim Majaliwa ambaye alikua mgeni rasmi katika maandamano hayo ya amani.

Mh Majaliwa amesema  kuwa tarehe 3  Januari 2018 bunge lilipitisha muswada wa sheria wa kuunganishwa kwa mifuko minne  ya pensheni na kuifanyia marekebisho sheria ya NSSF  lengo ni kupunguza gharama za uendeshaji wa mifuko hiyo.

Aidha, Mh Majaliwa amesema katika kujali maslahi ya wafanyakazi Mh Magufuli alisema vikokoto vilivyokuwa vinatumika awali virudishwe katika kipindi hiki cha mpito,  huku  mjadala  wa kusuburia kupata muafaka wa kikotoo sahihi kitakachotumika.

“Kikubwa niutake uongozi wa Wafanya kazi Nchini kushirikiana na mamulaka husika ili kuhakikisha wafanyakazi wanapata huduma bora kutoka katika mifuko hii” Amesema Majaliwa

Kwa upande Waziri mwenye dhamana ya sera, Bunge, Kazi, Vijana,  Ajira Na Walemavu  Mh Jenista Muhagama amesema kuwa  hivi karibuni ameanza kutilia mkazo maagizo na maelekezo ya Mh Rais Magufuli huku wakifanya zoezi la kukagua Mikoa yote ili kuhakikisha watendaji wa mifuko ya kijamii hawapotoshi maagizo hayo.

Naye katibu mkuu wa chama cha wafanyakazi TUCTA ndugu Yahya Msigwa amesema amempongeza Rais Magufuli  kwa kusikiliza kilio chao, zoezi ambalo limeanza  tangu mwaka 2008  na kuamuru mchakato wa kuunganishwa mfuko kuanze mara moja.

“Lengo lakuomba kuunganisha mifuko ni kupunguza ghalama za uendeshaji, kudhibiti matumizi mabaya ya fedha katika mifuko hii na kuondoa hali ya kugombania wanachama wa mifuko na kuifanya kama biashara” Amesema Msigwa.

Ikumbukwe mwishoni mwa mwaka jana 28 Disemba 2018, Rais Magufuli alikutana na viongozi wa vyama vya wafanya kazi nchini na kujadili masilahiya mafao yao na mwisho wa kikao hicho aliamua kikokotoo kibaki kama kilivyo kuwa awali mpaka hapo mbadala utakapo patikana 2023.