Waalimu Wakuu Nchini watakiwa kutoruhusu wizi na udanganyifu katika mitihani

Imewekwa tar.: February 27th, 2019

Walimu wakuu nchini wametakiwa kutoruhusu wizi na udanganyifu katika  mitihani ili kuweza kuzalisha vijana bora na wenye weledi mzuri katika kuwatumikia watanzania.

Hayo yamebainishwa na Waziri wa Nchi Ofisi ya Rais, Tawala za Mikoa na Serikali za Mitaa(TAMISEMI), Mhe. Selemani Jafo wakati wa uzinduzi wa  Umoja wa Walimu Wakuu  wa Shule za Msingi Tanzania Bara(TAPSHA) leo Jijini Dodoma.

Mhe.Jafo amesema kuwa kila mwalimu anawajibu  wa kuhakikisha wanasimamia vyema wizi na udanganyifu wa ina yoyote wa mitihani mashuleni  ili kuzalisha vijana wenye uwezo mzuri katika kulitumikia taifa la Tanzania kwa kuwa  watanzania wanahitaji matokeo chanya kutoka kwa vijana wao ndio maana wanawekeza katika elimu.

“Naomba Walimu wakuu na walimu wote nchini kuendelea  kushirikiana kwa kufanya kazi kwa pamoja ili kufanyikisha azma ya Serikali ya  kumpatia mtoto wa kitanzania  hasa mtoto wa maskini elimu bora itakayomsaidia katika maisha yake”Ameeleza Mhe.Jafo.

 Mhe.Jafo ameongezea na kusema kuwa kupitia umoja huu walimu wote nchini amewaaiza kuhakikisha wanasimamia matumizi ya fedha kwa kufuata taratibu na miongozo yote waliyopewa ili kuimalisha elimu nchini kwa kuhakikisha  kuwa wanafunzi wote wafahamu kusoma, kuandika na kuhesabu (KKK).

Mhe.Jafo amesema serikali iko makini kuhakikisha kuwa mazingira ya kutolea elimu yanakuwa bora na rafiki kwa makundi yote ili kuleta usawa kwa wananchi wake.

Aidha  Mhe.Jafo ametoa wito kwa wenye shule binafsi kuona namna ya kuweka tozo za ada ambazo kila mtanzania anaweza kuzimudu ili watanzania wanufaike kwa huduma ya elimu inayotolewa na wazawa wa nchi hii.

Naye Katibu wa Umoja wa Walimu Wakuu  wa Shule za Msingi Tanzania Bara(TAPSHA) Bi.Fatuma Kalembo ametoa neno la shukrani kwa niaba ya umoja huo kwa kusema kuwa watahakikisha wanayatekeleza maagizo yalyotolewa  ili kuleta chachu katika kuzalisha vijana wakitanzania walio bora katika elimu wanayoipata  kutoka kwao.

Umoja wa TAPSHA  umetokana na Umoja wa shule za msingi mkoa wa Da er salaam ambao uliazishwa mwaka 1994, mwaka 2010 Walimu wakuu wa shule za msingi wa mkoa wa Dar es salaam  na baadhi toka mikoani ikiwemo mkoa wa Dodoma walikubaliana kwa pamoja kuanzisha TAPSHA kwenye mkutano uliyofanyika shule ya sekondari Loyola na mwaka 2018 Januari umoja huu ulisajiliwa  rasmi na Wizara ya Mambo ya Ndani ya Nchi na kupewa namba ya usajili S.A 20991.