TANZANIA YAANZA VYEMA MICHUANO YA FEASSSA 2024

Imewekwa tar.: August 20th, 2024

Na Angela Msimbira, UGANDA

TIMU za Tanzania katika mashindano ya 22 ya michezo ya shule za Msingi na Sekondari ya Nchi za Jumuiya ya Afrika Mashariki (FEASSSA) zimeanza vyema michuano hiyo kwa timu ya wasichana ya mpira wa kikapu mchezo wa 3×3 kuibuka na ushindi baada ya kuichapa timu ya Kenya 13-10.

Michuano hiyo imeanza leo Agosti 19, 2024 katika viwanja vya chuo cha Amus nchini Uganda kwenye hatua ya makundi ambapo katika mchezo wa kikapu wa 5x5 timu ya wasichana Tanzania imepata vikapu 43 -58 dhidi ya mabingwa watetezi Uganda.

Aidha, Timu ya miguu ya Tanzania na Uganda zimetoka sare kwa kupata mabao 2-2 huku mpira wa mikono ambao Tanzania ilicheza dhidi ya Uganda hakuna timu iliyoona lango la mwenzake.

Vilevile, katika mpira wa soka kati ya timu ya wavulana Tanzania na Rwanda umeisha kwa sare ya mabao 2 -2.