TAMISEMI YAOMBA KUIDHINISHIWA SH. TRIL.8.7

Imewekwa tar.: April 14th, 2022

Waziri wa Nchi Ofisi ya Rais- Tawala za Mikoa na Serikali za Mitaa Mhe. Innocent Bashungwa amewasilisha bajeti ya makadirio ya mapato na matumizi kwa mwaka wa fedha 2022/23 ambapo  ameliomba Bunge  la Jamhuri ya Muungano wa Tanzania  kuidhinisha makadirio hayo yenye jumla ya Shilingi Trilioni  8.7

Hayo yamebainishwa leo tarehe 14 Aprili 2022 katika  hotuba  yake ya kuwasilisha makadirio ya mapato na matumizi ya Ofisi ya Rais-TAMISEMI  kwa mwaka wa fedha  2022/23.

Waziri Bashungwa amesema kuwa kati  ya  fedha hizo  zinazoombwa, Shilingi trilioni 5.5 ni kwa ajili ya matumizi ya kawaida yanayojumuisha mishahara ya watumishi  huku   shilingi trilioni  4.6  na shilingi   884,861,325,000.00  ni  kwa ajili ya matumizi mengineyo ya Ofisi ya Rais-TAMISEMI.

Amesema jumla ya shilingi trilioni  3.2 zinaombwa kwa ajili ya utekelezaji wa  miradi ya maendeleo ambapo kati ya fedha hizo shilingi trilioni 2.1 ni fedha za mapato ya ndani ya Halmashauri na shilingi trilioni  1.1 ni fedha za nje.

Aidha katika hotuba hiyo Ofisi ya Rais-TAMISEMI imeomba  idhini ya kukusanya maduhuli na mapato ya ndani yenye jumla ya shilingi trilioni 1,071,730,886,415.5 ambayo   yatatokana na mauzo ya vifaa chakavu, ada za wanafunzi, tozo na ushuru unaotozwa na Mamlaka za Serikali za Mitaa kulingana na Sheria ya Fedha za Serikali za Mitaa, Sura 290.