TAMISEMI yafunngua kituo cha kutolea huduma kwa wateja

Imewekwa tar.: August 7th, 2020

WAZIRI wa Nchi, Ofisi ya Rais Tawala za Mikoa na Serikali za Mitaa, Mhe.  Selemani Jafo amezindua kituo cha huduma kwa wateja na kuwataka Watanzania kutumia mfumo mpya ulioanzishwa ili kuepuka kusafiri safari ndefu kwenda Makao Makuu ya TAMISEMI kwa ajili ya kupata huduma.

Akizundua Kito hicho leo katika ofisi ya Sokoine Jijini Dodoma Mhe. Jafo amesema kituo hicho tayari kimeshaanza kazi na tayari kuhudumia wananchi 100 katika kipindi cha siku tatu

Amesema kuanzisha kituo kipya cha huduma kwa wateja kitarahisisha Wizara kutoa huduma zake na kuhakikisha zinafika katika jamii kwa haraka.

“Niwaombe watanzania wote TAMISEMI imekuja na mfumo wa Huduma kwa wateja, tumieni mfumo huu, tumeamua kuanzisha kituo hicho kwa ajili ya kupunguza suala zima la watu kusafiri kuja Makao Makuu Dodoma kufuata huduma” amesisitiza Mhe. Jafo

Aidha Mhe.Jafo amewaomba wafanyakazi wanaotoa huduma katika kituo hicho  kufanya kazi yao kwa ufanisi bila kuchoka kwani wao ndio kioo cha Wizara huku wakizingatia kutoa huduma bora kwa mteja  ili waweze kupata mrejesho mzuri.

“Niwaombe kikosi kazi nyinyi ndio sura yetu ya TAMISEMI,nyinyi mna kazi kubwa sana yakufanya kuliko mtu yeyote, muonekano wa kwanza una umuhimu, muonekano wetu wa kwanza tukionekana vibaya tutaonekana vibaya, naomba mkajitume sana msichoke katika kazi yenu lakini majibu yenu yanatakiwa yawe sahihi bila kuleta ubabaishaji wowote.” Amesema Mhe. Jafo

Mhe. Jafo anafafanua kuwa kuanzishwa kwa kituo cha huduma kwa wateja kitaweza kuwasikiliza watu wetu kwa urahisi na ukaribu zaidi lakini tutaongeza kasi kwenye kufanya kazi na tutaweza kupata mrejesho kutoka kwa wateja wetu katika utoaji wa huduma.

Naye Katibu Mkuu, Ofisi ya Rais Tawala za Mikoa na Serikali za Mitaa Mhandisi Joseph Nyamhanga  amesema kituo hicho kitakuwa mkombozi kwa Ofisi ya Rais-TAMISEMI kwani itaongeza ufanisi na kupambana na rushwa kwa kundoa fursa ya wateja kukutana na watumishi.

Nyamhanga amefafanua kuwa uzinduzi wa kituo hicho  si kama kitasaidia wateja tu bali hata watumishi wetu kwa kuwa wapo waalimu ambao baadhi wanahitaji uhamisho na masuala mengine, sasa badala ya kufunga safari kuja hapa  watatumia kituo.

“Napokea simu nyingi sana walimu kutoka kila kona, simu za wananchi kuulizia masuala mbalimbali na si rahisi kutoa majibu ya haraka haraka kupita simu, hivyo naamini hata simu zinazopigwa kwangu na wasaidizi wangu zitapungua”.Amesema Mhandishi Nyamhanga

Nyamhanga amesema pamoja na kuwa ofisi yake imejitahidi kudhibiti utapeli ingawa bado changamoto hiyo ipo na kuwa kituo hicho kitapunguza vitendo vya rushwa.

“ Tutapunguza malalamiko tuliyokuwa tukiyapata, pia tupunguza mianya ya rushwa kwa kuondoa fursa ya wateja kukutana moja kwa moja na watumishi, na pia kuondoa kabisa utapeli ambapo baadhi ya watu wanaandaa barua feki za uhamisho.”anasisitiza Nyamhanga

Naye Msimamizi wa Kituo, Antelma Mtemahanji alisema amesema  kupitia mfumo huo, mteja atapiga simu na kueleza suala lake ambalo majibu yake yatatolewa papo kwa hapo kwa jambo ambalo halihitaji ufuatiliaji na kwa hoja zenye kuhitaji ufuatiliaji, mteja huyo atapewa ahadi ya kupigiwa simu kupewa majibu yake.

Na. Angela Msimbira OR-TAMISEMI