Tamisemi Queens mabingwa ligi ya Muungano

Imewekwa tar.: February 9th, 2022

Na.  Asila Twaha TAMISEMI

Naibu Katibu  Mkuu  Ofisi  ya  Rais Tawala za Mikoa  na Serikali za Mitaa (Elimu) Gerald Mweli   amewapongeza wachezaji wa netiboli  Tamisemi  Queens kwa kuibuka washindi  wa Ligi ya Muungano huko Visiwani Zanzibar.

Akipokea Kombe la ushindi  leo  katika Ofisi ya Rais, TAMISEMI Jijini Dodoma amesema, ushindi huo ni wa viongozi na watumishi wa Wizara,  ninawapongeza kwa ushindi wa wakishindo sababu ile ahadi niliyosema wakati mnaondoka mmeitimiza.

"Wakati  mnaondoka  kwenda Zanzibar kwenye  mashindano niliwaomba vitu viwili kuwa na nidhamu na ushindi ninawashukuru  mmerudi  na ushindi na sijasikia uvunjifu wa nidhamu mlipokuwa huko, huo ndio ushindi sababu ushindi  unatokana na nidhamu pia” amesema Mweli

Amesema kuwa, michezo ni kuimarisha afya, ajira lakini pia  inajenga mahusiano mazuri  na watu  lakini pia ukiwa na afya nzuri hata utoaji wa huduma kwa wananchi  utakuwa ni mzuri sabababu sisi  ni watumishi wa Umma.

"Rais wa Jamhuri ya Muungano wa Tanzania mama yetu Mhe. Samia Suluh Hassan amewekeza na anatambua umuhimu michezo ninawaomba muendelee  kujituma katika michezo yenu na Mhe. Waziri wa Nchi Ofisi ya Rais, TAMISEMI amenituma niwaambie kuwa, anatambua na anathamini jitihada zenu amesema viongozi na watumishi wa TAMISEMI wataendelea  kutoa ushirikiano ili malengo yenu ya michezo ifike mbali”  amesema  Mweli

Naye kwa upande  Katibu wa timu ya Tamisemi Sports Club Alex Morice  ameushukuru uongozi wa Wizara kwa kuhakikisha timu ya Tamisemi Queens inafanya  vizuri  katika  michezo  yao  amesema, ushindi  walioupata ni kutokana na ushirikiano mkubwa wanaoupata kutoka kwa viongozi na watumishi wa Ofisi ya Rais, TAMISEMI .

Ameuomba uongozi uendelee  kuunga mkono timu hiyo kwani ushindi wa  ligi ya Muungano umewapa nafasi ya kwenda  kushiriki mashindano ya  Afrika Mashiriki  Vilabu Bingwa netiboli nchini  Kampala – Uganda.