Serikali yaliagiza Shirika la Nyumba la Taifa kukamilisha ujenzi wa machinjio Vingunguti

Imewekwa tar.: August 17th, 2020

Katibu Mkuu Ofisi ya Rais Tawala za Mikoa na Serikali za Mitaa Mhandisi Joseph Nyamhanga ameliagiza Shirika la Nyumba la Taifa (NHC) kuhakikisha kuwa inakamilisha kwa hataka  ujenzi wa machinjio mpa ya vingunguti ili ianze  kutumika  ifikapo  mwishoni mwa Oktoba, 2020

Mhandisi Nyamhanga ametoa agizo hilo leo  wakati akikagua  ujenzi wa  miradi mbalimbali  ya kimkakati inayotekelezwa na Halmashauri ya Manispaa ya Ilala Jijini Dar es salaam ambapo amesisitiza  miradi hiyo ipatayo ishirini  nchi nzima imeigharimu Serikali  zaidi ya shilingi  bilioni 288

“Pamoja na maendeleo  mazuri ya ujenzi  nawaagiza NHC  ambaye ndiye aliyepatiwa dhamana  ya  ujenzi kuhakikisha  anakamilisha  haraka ujenzi huu ili kutoa fursa ya machinjio kuanza kazi” amesema Mhandisi Nyamhanga

Amesema Serikali  imekuwa mstari wa mbele  katika kuhakikisha  wanawekeza  miradi ya maendeleo  kwa ajili ya kusaidia huduma mbalimbali za wananchi na kusisitiza kuwa ni vyema miradi hiyo ikalindwa ili iweze kudumu kwa kipindi kirefu

Kwa upande wake mkurugenzi  wa Manispaa ya Ilala  Jumanne Shauri amrsema  mradi wa machinjio hiyo ya vingunguti umeigharimu Serikali kiasi cha shilingi bilioni 12 utawezesha  kuchinjwa kwa ngombe zaidi ya 300kwa siku na kutoa ajira za kudumu zisizopungua  100 za muda mfupi.

Amesema kukamilika kwa mradi huo  kutafanya  kuwa machinjio  yenye viwango  vya kimataifa  na hivyo kuliwezesha Taifa kufanya biashara ya nyama  kimataifa na hivyokuliingizia fedha za kigeni

Aidha amesema  kinachoendelea kwa sasa katika ujenzi wa machinjio hiyo uliofikia wastani  wa asilimia 90 ni ufungaji wa mitambo mbalimbali ya kuchinja pamoja na vifaa vingine vinanyohusiana na ujenzi huo.

Na. Angela Msimbira DAR-ES-SALAAM