SANAA ZA MAONESHO UMISSETA MIKOA KUELEKEA FAINALI

Imewekwa tar.: August 14th, 2022

Asila Twaha, Tabora

Vikundi vya Sanaa za Maonesho  za Michezo ya UMISSETA upande wa Ngoma vinaelekea katika hatua ya fainali kwenye  mashindano yanayoendelea Mkoani Tabora.

Vikundi vya ngoma kutoka mikoa mbalimbali ya Tanzania vimeendelea kuonyesha ufundi Agust 14, 2022 katika Ukumbi wa Chuo cha Walimu Tabora (TCC) vikionyesha  uwezo wa kucheza na kupiga ngoma sambamba na utunzi wa jumbe.

Sanaa za michezo zinajumuisha makundi matatu katika fani za kwaya, ngoma na muziki wa kizazi kipya.

Mikoa ya Morogoro, Iringa, Lindi, Ruvuma, Shinyanga,Mbeya, Manyara, Njombe na Kusini Unguja Mikoa leo imeendelea  kuchuana kutafuta nafasi ya kuelekea  fainali.

Naye Afisa Utamaduni kutoka Mkoa wa Shinyanga Bi. Janeth Elias amesema, wamejipanga kuchukua ushindi sababu wamekuwa wakiwafundisha na kuwaandaa watoto hao katika vitalu(maeneo) walioandaa kwa ajili ya ngoma.

"Sisi tuna vitalu vyetu kabisa Kwa kuwaandaa wanafunzi wetu iwe wangoma, kwaya au sanaa zozote hii inawajenga vizuri watoto sababu wamekuwa na mazingira mazuri ya kujifunza"  amesema Janeth

Michezo hiyo ya UMISSETA inawapa nafasi washindi watakaopatikana kupata nafasi ya kushiriki mashindano ya Shule za Sekondari Afrika Mashariki(FEASSA) ambapo yanatarajia kufanyika mwezi wa Septemba, 2022 Jijini Arusha.