Mhe. Bashungwa atatua mgogoro wa Chemba

Imewekwa tar.: June 4th, 2022

Waziri wa Nchi Ofisi ya Rais Tawala za Mikoa na Serikali za Mitaa Mhe. Innocent Bashungwa ameitaka halmashauri ya Chemba kujenga umoja na mshikamano katika kutekeleza ilani ya CCM na kuachana na migogoro ambayo haina Tija kwa mustakabali wa maendeleo ya Halmashauri hiyo.

Hayo ametasema wakati wa ziara yake Wilayani humo kuzungumza na Uongozi kuhusu changamoto za Halmashauri hiyo pamoja na kukagua miradi ya maendeleo.

" Nimekuja hapa Chemba kukaa na nyiekabla mambo hayajaharibika nimekuja kuwasikilinza kwanini mnagombana,  kwanini mnavutana, je mnajua mivutano hii inakwamisha utekelezaji wa ilani ya CCM na je mko tayari kumwangusha Mheshimwa Rais katika kutekeleza ilani.?"

Alisema katika kikao cha ndani walichoketi na viongozi wa pande zote wamejadiliana mwenendo wa utekelezaji wa ilani ya Chama cha Mapinduzi ndani ya wilaya ya Chemba na kutoa maelekeo mzuri katika kutekeleza jambo hilo.

" Kamati ya siasa ni chambo kikubwa ndicho kinasimamia Serikali kwa maana ya halmashauri, Serikali ya wilaya, kumekuwa na changamoto ambazo baada ya kukaa tumeona tumezijadili, tumezipa maelekezo mazuri."

" Ninachowaomba waheshimiwa madiwani hii halmashauri ni ya kwenu, halmashauri inaongoza na baraza la madiwani, utekelezaji wa ilani ya CCM bila baraza la madiwani imara utekelezaji wake unayumba, hili jambo sitaki kulisikia hapa tena."

Amesema wataalamu wakiwa kasikazini na Baraza la Madiwani likiwa kusini hamuwezi kujadili vipaumbele vya maendeleo, kwa hiyo tumegundua jambo hilo ndio changamoto kubwa ndani ya Chemba."

" Sisi serikali inayosimamiwa na chama chetu (CCM) hatutaruhusu hiyo hali.  Kwa hivyo kwenye kikao cha ndani tumekubalina namna ya kuisimamia hii Halimashauri na kujenga umoja na mshikamano, waheshimiwa madiwani pamoja na CMT ikiwa na maaana ya wataalamu."

Aidha alimwelekeza Mkuu wa Mkoa, Anthony Mtaka kusimamia suala la kuwajengea uwezo viongozi wa halmashauri hiyo ambayo itasaidia kila mtu kujua wajibu wake.