JAFO aridhishwa na Ujenzi wa Shule ya Sekondari ya Mji mwema

Imewekwa tar.: January 22nd, 2020

Waziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo ameupongeza uongozi wa Halmashauri ya Manispaa ya Morogoro kwa usimamizi wenye weledi katika ujenzi wa Shule ya Sekondari ya Mji Mpya iliyopo katika kata ya Lukobe, Halmashauri ya Manispaa ya Morogoro.

Ameyasema hayo wakati wa hafla fupi ya uzinduzi wa shule ya Sekondari ya Mji mpya, iliyojengwa na Serikali mara baada ya kuvunjwa kupisha ujenzi wa Reli ya kisasa  inayounaoendelea Mkoani Morogoro.

Mhe. Jafo amesema ameridhishwa  na ujenzi wa Shule hiyo  ambayo imejengwa kwa  kiwango cha hali ya juu na kwa kufuata maelekezo ambayo yamekuwa yakitolewa na Serikali wakati wa Ujenzi..

Amewataka wakandarasi wote nchini pindi wanapopatiwa kazi na Serikali  kuhakikisha wanatenda haki kwa kujenga kwa viwango vinavyotakiwa na  kufuata ubora  uliotolewa na Serikali ili shule hizo zidumu kwa muda mrefu

Mhe. Jafo amesema Serikali imewekeza fedha nyingi kwenye ujenzi wa miundombinu bora ya elimu nchini, hivyo ni wajibu wa kila kiongozi kuhakikisha wanasimamia kwa weledi  ili kuweza kupata majengo bora na imara.

Wakati huohuo amewaagiza wanafunzi wote nchini  wanafunzi wote nchini kuhakikisha wanatunza miundombinu ya shule hiyo ili shule hizo zitumike kwa muda mrefu bila kuharibiha

“Sasa wanafunzi washindwe wenyewe, kama wazazi, Serikali na nchi kwa ujumla imeamua kuwajengea shule ya Kisasa ni wajibu wao sasa kulinda miundombinu na kusoma kwa bidi ili kuongeza ufaulu nchini.” Amesema Mhe. Jafo

Amewataka wanafunzi kuhakikisha wanalinda miundombinu ya shule, Mwanafunzi akiharibu miundombinu lazima alipe na atachukuliwa hatua za kinidhamu, lengo likiwa ni kuziwezesha shule hizo kudumu kwa muda mrefu.  

Mhe. Jafo pia ameutaka uongozi huo kuhakikisha wanawekeza kwenye elimu hasa katika suala zima la ufaulu wa wanafunzi ili kuondokana na changamoto ya elimu nchini

“Haiwezekani shule inawalimu 57 halafu kunakuwa na ufaulu wa daraja la kwanza mwanafunzi wa 5  hiyo haiwezekani, waalimu timizeni wajibu wenu, tumieni  taaluma milizonazo katika kutoa elimu iliyobora nchini na wanafunzi timizeni wajibu wenu wa kusoma kwa bidi  “Amesisitiza Mhe. Jafo

Aidha ameutaka uongozi wa Halmashauri ya Manispaa ya Morogoro inahakikisha wanaweka makakati wa kutokomeza Ziro ili kuweza kuongeza ufaulu wa wanafunzi katika Halmashauri hiyo.

Naye Mkuu wa Mkoa wa Morogoro Loata Erasto Ole Sanare amesema tayari Mkoa umeshajiwekea mkakati wa kutokomeza ziro  Mkoani hapo  kwa kuwataka wakuu wote wa Shule kuhakikisha wanaongeza ufaulu  mashuleni kwao na kupunguza  ziro ili kuongeza ufaulu wa wanafunzi Mkoani hapo.

“Nitawachukulia hatua waalimu wakuu wote ambao watashindwa kufaulisha wananfunzi Mkoani Morogoro ili kujenga nidhamu ya elimu mkoani hapa na kuongeza kiwago cha ufaulu” amesisitiza Sanare

Amesema ni jambo la aibu kwa mwalimu mkuu kuwa katika uongozi kwa muda wa miaka 15 lakini bado shule yake inaoongoza kwa kutoa ziro, serikali haitafumbia macho bali itawachukulia hatua za kinidhamu  waalimu hao.