DAR, LINDI YANG'ARA URUSHAJI WA TUFE

Imewekwa tar.: August 12th, 2022

OR- TAMISEMI

Sambamba na kung'ara kwa  Mikoa mingine katika mashinda  ya michezo kwa   Shule za Sekondari kwa mwaka 2022 ( UMISSETA ),  Mkoa wa Dar es Salaam umeipeperusha vyema bendera ya Mkoa huo kupitia mchezo wa kurusha tufe kwa upande wa wavulana.

Kwa upande wa Mkoa wa Lindi  haukua  nyuma kwa kuikalisha  chini Mikoa mingine   katika mchezo huo huo wa kurusha tufe kwa kuibuka mshindi wa kwanza kwa upande wa wasichana.

Gift Kibanda alipeperusha  bendera kwa upande wa Dar es Salaam kwa kurusha tufe umbali wa mita 10 na sentimita 99 akifuatiwa na  na Ramadhani Tutu kutoka Kigoma aliyeonesha   umahiri wake  wa  kurusha tufe umbali wa mita  10 na sentimita  89.

Mshindi wa tatu  ni Edward Michael Kutoka Dar es Salaam  amerusha umbali wa  mita 10 na sentimita  85.

Katika upande wa Wasichana  Mariam Serafini ameuwakilisha vyema Mkoa wake kwa kuwapiku wapinzani wake na kurusha tufe umbali wa mita  8 na sentimita 98.

Mkoa wa  Mtwara haukua  nyuma Mwanahawa  Elisha ameutetea Mkoa wake kwa kurusha tufe  umbali wa mita 8 na sentimita 67.

Marietha Msigwa  kutoka  Mkoa wa Tanga ameibuka mshindi  wa tatu kwa kurusha  tufe umbali wa mita  8 na sentimita 40.