Asilimia 10 inavyoibua Wajasiriamali Arusha

Imewekwa tar.: January 19th, 2021

Mwandishi Wetu Arusha.

Mipango na matarajio ya Serikali yoyote duniani, nikuona wananchi wake wanakuwa na usatawi katika Nyanja mbali mbali ikiwepo, kujikwamua kiuchumi na kupata maendeleo ya watu. Tangu kuanza kutolewa kwa mikopo ya asilimia 10 kwa Wanawake, Vijana na Watu wenye Ulemavu, tumeshuhudia manufaa kadha kwa wanufaika

Mkurugenzi wa halmashauri ya wilaya ya Longido, Jumaa Mhina amesema hayo wakati akizungumza na kamati iliyoundwa na Ofisi ya Rais-TAMISEMI, kufanya uhakiki wa taarifa za fedha zinazotolewa na halmashauri nchini iwapo zimekua na tija iliyotarajiwa.

Kamati hiyo ambayo ni matokeo ya wadau mbalimbali ambao wamekua na maoni tofauti kuwa mikopo ya asilimia 10 ya fedha za ndani za Halmashauri zimekua haziwafikii walengwa kama sheria inavyoelekeza bali zimekua zikitumika kwenye shughuli zingine za serikali na watu ambao sio swalengwa.

“Tumejitahidi kuhakikisha asilimia 10 ya mapato yetu ya ndani zinaelekezwa kwa makundi yaliyotajwa kisheria, fedha hizo zimesaidia sana jamii ya wana Longido kwenye shughuli zao za ufugaji, ujasiriamali katika ngazi tofauti,” amesema Mhina

Mhina anatoa mfano halisi wa kikundi cha wanawake cha Blessing chenye kiwanda kidogo cha mikate ambacho kilianza na mkopo wa shilingi milioni 10 ambao ulirejeshwa na kukopeshwa kiasi cha shilingi milioni 15 ambao umekua na manufaa kwa jamii husika.

Anasema changomoto iliyopo ni kupata uwiano wa watu wenye ulemavu wa asilimia mbili kwasababu katika jamii hiyo kuna idadi ndogo ya wenye ulemavu huku vikundi vya vijana mwitikio umekua mdogo tofauti na wanawake ambao wamekua wakijitokeza kwa wingi.

Katika Jiji la Arusha baadhi ya wanufaika wa mikopo hiyo wameeleza namna maisha yao yanavyoendelea kubadilika kutokana na kujiunga katika vikundi vya uzalishaji mali lah wanasema, iwapo wasingepata mikopo hiyo wangekua na maisha duni pengine hata kujiingiza katika makundi ya kihuni.

Asha Juma kutoka kikundi cha UWT Kata Levolosi, anasema mkopo umewasidia kuendeleza biashara ya mama lishe katika soko la Kilombero japo wamekuwa wakipata changamoto ya mitaji yao kufa kutokana na utitiri wa wajasiriamali wenzao waliopo kando kando ya barabara wanaouza chakula bei rahisi zaidi kutokana na kutolipa baadhi ya ushuru.

“Wana kikundi wenzangu tunalipa vyumba, maji na huduma ya taka lakini wanaouza vyakula kando ya barabara hawalipi hizo huduma hivyo kuwepo na ushindani usio sawa hatua inayoharibu kabisa mitaji yetu na kushindwa kurejesha mkopo kwa wakati.

MWISHO