TRILIONI 6.5 ZATEKELEZA MIRADI YA ELIMU, AFYA NA MIUNDOMBINU

Imewekwa tar.: September 15th, 2023

Waziri wa Nchi, Ofisi ya Rais Tawala za Mikoa na Serikali za Mitaa Mhe. Mohamed Mchengewa amesema Ofisi yake imepokea zaidi ya shilingi Trilion 6.5 ambazo zimepelekwa moja kwa moja kwa watanzania kutekeleza miradi mbalimbali ya kipaumbele katika sekta ya Elimu, Afya na maendeleo ya Miundombinu.

 Waziri Mchengerwa amesema hayo leo tarehe 15.09.2023 wakati akitoa salaam za Wizara yake mbele ya Mhe. Rais Dkt. Samia Suluhu Hassan kwenye mkutano wa hadhara na wananchi uliofanyika katika uwanja wa Nangwanda Sijaona Manispaa ya Mtwara – Mikindani.

“Katika eneo la Elimu tumepokea zaidi ya shilingi Trilioni 2 kwa ajili ya ujenzi wa miundombinu ya Elimu nchi nzima na kugharamia elimu msingi bila malipo.

 “Kwenye Afyamsingi tumepokea zaidi ya Trilioni 1.5 kwa ajili ya kuendeleza ujenzi wa Hospitali za Halmashauri, ukarabati wa Hospitali kongwe , ujenzi wa vituo vya afya, ununuzi wa vifaa tiba, ujenzi wa Zahanati pamoja na nyumba za watumishi. alifafanua Mchengewa

Aidha kwenye Eneo la Miundombinu Mhe. Mchengerwa ameeleza kuwa zaidi ya Trilioni 3 zimetumika kujenga, kuendeleza miundombinu ya barabara za vijijini na mijini ambapo katika kipindi cha mwaka huu wa Fedha Ujenzi wa Daraja la Jangwani na Uendelezaji wa Bonde la Mto Msimbazi utatekelezwa.

 ‘Kwa fedha hizo ulizotoa sisi wasaidizi wako hatuna sababu ya kutokufanya kazi, kujituma kwa bidii na weledi wa hali ya juu sisi Kazi yetu kubwa ni kupanga namna bora ya kusimamia na kutekeleza ufanisi wa kazi zilizokusudiwa kukamilishwa kupitia fedha hizo’ alisema Mchengewa

‘Ninakumbuka siku chache zilizopita wakati unatuapisha ulitusisitiza kufanya kazi kwa bidii, weledi na ubunifu kama ilivyo dira yako nami nilipoanza kazi nilishusha Wizara yako kwa wananchi na kuwataka watendaji wote walio chini yangu kujishusha kwa wananchi na kutoka maofisini kwenda kuwahudumia wananchi na kutatua kero zao.

“Yeyote miongoni mwetu atakayewachezea wananchi wako kwa uvivu, uzembe au ubadhirifu wa fedha unazozitoa [Rais Samia Suluhu] kwa ajili ya huduma za wananchi, yule ambaye ni saizi yangu, nitashughlika naye kweli kweli.” 

“Kwa kuwa umeniamini kuongoza Wizara hii ninakuahidi kuisimamia kwa uadilifu mkubwa, kuendelea kuchapa kazi kwa bidii, kuongeza usimamizi kwenye utekelezaji wa miradi ya maendeleo, kuhakikisha miradi yote iliyopata fedha inakamilika kwa wakati na wananchi wanapata huduma bora na atakayefamya vinginevyo ntalala naye mbele’ alimalizia Mchengewa.