Serikali yatoa siku 60 ukamilishaji wa Soko la Kisasa Kisutu

Imewekwa tar.: August 17th, 2020

Katibu Mkuu Ofisi ya Rais Tawala za Mikoa na Serikali za Mitaa Mhandisi Joseph Nyamhanga ametoa miezi miwili kwa Mkandarasi Mohamed Builders kukamilisha ujenzi wa Soko la kisasa Kisutu ili lianze kutoa huduma kwa jamii

Ametoa maagizo hayo leo wakati akikagua maendeleo ya ujenzi wa Soko hilo katika Halmashauri ya Manispaa ya Ilala Jijini Dar-es-salaam ambalo lilianza kujengwa  tangu mwezi desemba, 2018 na kutakiwa kukamilika  kukamilika ifikapo agosti, 2020

Mhandisi Nyamhanga  amefafanua kuwa meadi huo unagharimu zaidi ya shilingi bilioni 13 fedha ambazo zilitolewa na Serikali kwa ajili ya ujenzi wa Soko hilo lengo likiwa ni kuziongezea mapato halmashauri zote nchini na kuzipunguzia utegemezi kutoka Serikali kuu.

Ameitaka Halmashauri ya Manispaa ya Ilala kuhakikisha inaanza  maandalizi mapema ya utoaji wa huduma katika soko hilo, ili kuhakikisha wafanyabiashara wanapatiwa utaratibu wa kupatiwa vizimba kwa wakatimili soko hilo litakapokamilika lisikae kama gofu bali lianze kutoa huduma mara tu baada ya kukamilika

“  Soko la Ndungai Dodoma limekamilika  lakini bado kwenye uendeshaji  kunakuwa na mivutano ya hapa na pale,ninamuagiza Mkurugenzi wa Manispaa ya Ilala kufanya maandalizi  na kuweka vigezo  na kuona ni watu gani watapatiwa  vizimba na maeneo mengine ya kufanyia bishara katika soko hilo kabla halijakamlika” amesisitiza Mhandisi Nyamhanga

Naye Mkurugenzi wa Manispaa ya Ilala Jumanne Shauri amesema  ukamilishaji wa mradi wa soko la Kisasa Kisutu  utaongeza mapato ambapo kwa mwaka watweza kukusanya shilingi  bilioni 3.5, ongezeko la ajira 300 na kutakuwa na wafanyabishara zaidi ya 3000 .

Bw. Shauri amesema  ujenzi wa Soko la Kisasa utahusisha eneo la maegesho ya magari,eneo la huduma za Kibenki, eneo la biashara mbalimbali  yakiwemo matunda na mbogamboga, maeneo ya bucha, eneo la machinjio ya kuku na eneo la huduma ya vyoo.

Ikumbukwe kuwa Manispaa ni miongoni ma Halmashauri Tanzania zilizopatiwa ruzuku ya Serikali  kwa ajili ya utekelezaji wa miradi ya kimkakati baada ya kukidhi vigezo vilivyowekwa na Serikali ,

Na. Angela Msimbira DA-ES-SALAAM