Manispaa zenye mapato zaidi ya Bilioni 20 zitenge asilimia 60 ya mapato yao – Dkt. Dugange

Imewekwa tar.: November 25th, 2021

Na Fred Kibano, Dar es Salaam

Naibu Waziri Ofisi ya Rais TAMISEMI Dkt. Festo Dugange ameagiza Halmasjauri ya Manispaa ya Ubungo kukamilisha miundombinu iliyobakia na kuhakikisha ifikapo Desemba 30 majengo yawe yamekamilika na kuanza kutoa huduma za afya kwa wananchi.

“tumepata taarifa hapa kwamba bado hatujaanza huduma, pamoja na kwamba fedha zimekuja mwaka mmoja na nusu uliopita Bilioni moja na milioni mia tano, kwa hiyo hii sio habari njema kwa Serikali kwani lengo lilikuwa angalau baada ya kupata fedha ndani ya miezi sita ziwe zinatoa huduma”

Dkt. Dugange amesema halmashauri nyingi zilizopata fedha mwezi juni mwaka 2020 tayari zinatoa huduma karibu asilimia 99 kwa upana wake

Waziri Dugange ametoa maelekezo kwa Halmashauri zote za Manispaa kuhakikisha zinakamilisha miundombinu yote iliyobakia na kuanza kutoa huduma mapema iwezekanavyo.

“hospitali hizi za Manispaa kama Ubungo, Kinondoni, Temeke na manispaa zote zenye mapato makubwa zaidi ya Bilioni tano kwa mwaka Serikali ilikwishaelekeza Halmashauri za Manispaa zote ambazo mapato yake yanazidi Bilioni 20 kwa mwaka lazima zitenge asilimia 60 ya fedha za mapato ya ndani kwa ajili ya kwenda kuendesha na kujenga miradi ya maendeleo ambayo inawagusa moja kwa moja wananchi moja ikiwa ni huduma za afya, zahanati, vituo vya afya lakini pia hospitali za halmashauri na pili miundombinu ya elimu kuanzia chekechea, msingi na sekondari” alisema Dkt. Dugange.

Dkt. Dugange amesema Manispaa ya Ubungo inafikisha makusanyo ya mapato ya ndani kwa Bilioni 20 kwa mwaka na hivyo kwa na wajibu wa moja kwa moja kutenga fedha kwa ajili ya ujenzi wa hospitali ya wilaya na miradi mingine ya maendeleo bila kutegemea ruzuku kutoa Serikali Kuu.

Aidha, amewapongeza Manispaa ya Ubungo kwa kuwa na miradi ambayo thamani ya fedha inaonekana na ubora wa majengo unaonekana pia

Mkurugenzi wa Halmashauri ya Manispaa ya Ubungo Bi. Beatrice Donic amesema kuchelewa kwa ujenzi wa hospitali ya wilaya ya Manispaa ya Ubungo (Kimara) kulisababishwa na baadhi ya vifaa kutokuwepo kwenye orodha ya vifaa vya awali (BOQ) ambavyo havikuwekwa ijapokkuwa ujenzi umefikia aslimia 94.

Bi. Beatrice Dominic amesema jingo la wagonjwa wa nje (OPD) limefikia asilimia 98 na kwamba ndani ya wiki mbili hospitali hiyo itaanza kutoa huduma, lakini pia wamefanya manunuzi ya dawa za kuanzia kutoa huduma shilingi milioni 150, ununuzi wa kompyuta na vifaa tiba.

Kwa upande wa majengo ambayo bado ni jengo wazazi (maternity ward) ambalo litakamilishwa na mkandarasi Suma JKT ili wananchi waweze kupata huduma za afya kwa wakati.

Ujenzi wa hospitali hiyo ulitengewa shilingi Bilioni moja na milioni mia tano mapema juni 2020 na ujenzi wake upo katika hatua za mwishoni pamoja na kuwa na changamoto ya umiliki wa eneo ambayo inatafutiwa hati miliki kwa Msajili wa Hazina.