Jiji la Dodoma lazidi kufunguka Kimkakati

Imewekwa tar.: November 21st, 2018

Waziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo amesema ujenzi wa barabara ya Martin Luther – Swaswa utalifanya Jiji la Dodoma lizidi kufunguka kimkakati na kuwezesha mitaa ya Jiji hili kuzidi kuwasiliana;

Mhe. Jafo ameyasema hayo wakati alipokua akikagua barabara ya Martin Luther – Swaswa ambayo inatarajia  kuanza kujengwa  Mwezi Disemba 2018 kwa kiwango cha Lami yenye urefu wa Km 1.9.

Mhe. Jafo amesema kuwa wananchi wanaoishi pembenzoni mwa barabar hiyo wameteseka kwa muda mrefu kwa kukosa miundombinu rafiki kwa shughuli zao za kila siku na wananchi wengine wanaotumia barabara hiyo kuelekea Martin Luther kuunganika na barabara kubwa ya kuelekea Dar imekua ni atha kubwa kwa kuwa haina Lami na imeharibika sana.

“Nataka kuona Mhe. Waziri Mkuu akitoka kwenye makazi yake kuelekea Dar es salaam anapitia kwenye barabara hii na sio kuzunguka mpaka mjini wakati anapotaka kutokea ni karibu lakini hapapitiki kutokana na ubovu wa barabara hii” Alisema Mhe. Jafo.

Aliongeza kuwa barabara hii pia itazidi kufungua Jiji kwani itakua barabara kubwa ya Mzunguko na nina imani itapata watumiaji wengi kwa kuwa si kila mtu anapenda kupitia katikati ya mji kukutana na foleni.

Amemuagiza Mtendaji Mkuu wa TARURA pamoja na Uongozi wa Wilaya kukamilisha taraibu za manunuzi mapema na kumaliza changamoto ndogo ndogo zilizopo na mpaka kufikia Disemba 21 barabara hiyo iwe imeanza kujengwa.

Wakati huo huo Mhe. Jafo alitembelea barabara ya  Ilazo – Meliwa  inayojengwa kupitia mradi wa uendelezaji wa Jiji Mkakati(TSCP) unaosimamiwa na Ofisi ya Rais Tamisemi pamoja barabara ya Wajenzi ikiwakilisha barabra za katikati ya Jiji zinazowekewa tabaka jipya la lami(Asphalt Overlay) kupitia fedha za mfuko wa barabara.

Amemtaka Mkandarasi Mshauri wa barabara za Tscp kuongeza umakini katika kusimamia ubora wa barabara zinazojengwa kwa kuwa ndio sura ya Jiji la Dodoma.

Naye Mtendaji Mkuu wa TARURA Eng. Victor Seif amesema atahakikisha kuwa barabara ya Martin Luther – Swaswa mchakato wa manunuzi unakamilika haraka na ujenzi  wa barabara hiyo unaanza kwa wakati na kuwa na ubora unaostahili.

Mhe. Protas Katambi ni Mkuu wa Wilaya ya Dodoma amesema kuwa Ofisi ya Mkuregenzi wa Jiji itatekelzwa miradi yote iliyopo kwenye bajeti nay eye atasimamia kwa umakini ili kufanya Jiji la Dodoma kuzidi kuimarika katika kila sekta.

Mwisho