Dar, Mwanza, tishio UMISSETA

Imewekwa tar.: June 11th, 2019

Na Mathew Kwembe, Mtwara

Timu za netiboli za mikoa ya Mwanza na Dar es salaam zimegeuka kuwa tishio kwenye michezo ya UMISSETA hatua ya makundi inayoendelea kwenye viwanja vya chuo cha ualimu Mtwara na shule ya ufundi ya Mtwara.

Katika michezo iliyochezwa jana timu ya netiboli ya mkoa wa Mwanza iliibugiza timu wenyeji ya mkoa wa Mtwara kwa magoli 37 kwa 8, huku timu ya Dar es salaam iliwabamiza jirani zao kutoka mkoa wa Pwani kwa magoli 49 kwa 3.

Matokeo mengine yanaonyesha Tanga imeifunga Singida magoli 31 kwa 21, Morogoro imeifunga Mbeya 27 kwa 23, huku timu ya netiboli ya Lindi ikipata ushindi dhidi ya katavi kwa magoli 23 kwa 16, Kilimanjaro ilifungwa na Songwe kwa magoli 18 kwa 13, Mara iliifunga Njombe kwa 27 kwa 6 na Simiyu iliifunga Arusha kwa mabao 25 kwa 11.

Pia timu ya netiboli ya mkoa wa Ruvuma iliifunga kigoma kwa magoli 18 kwa 12, Dodoma iliibugiza Unguja kwa 21 kwa 12 na Rukwa ilifungwa na Tabora kwa magoli 13 kwa 15.  

Michezo mingine itaendelea kesho katika viwanja hivyo.