Bilioni 535.6 kutekeleza vipaombele katika Tawala za Mikoa na Mamlaka za Serikali za Mitaa

Imewekwa tar.: October 13th, 2021

Waziri wa Nchi Ofisi ya Rais Tawala za Mikoa na Serikali za Mitaa Mhe. Ummy Mwalimu amesema kuwa kati ya fedha trilioni 1.3  mkopo kutoka  shirika la fedha Duniani kwa ajili ya mpango wa maendeleo  kwa Ustawi wa Taifa  na Mapambano dhidi ya UVIKO -19 Mamlaka za Serikali za Mitaa  imeidhinishiwa kiasi cha shilingi  bilioni 535.6 ambazo ni sawa  na asilimia 41.1 ya fedha zote

Akizungumza na waandishi wa habari kuhusu mpango  wa matumizi ya fedha  za mapambano  dhidi  ya UVIKO -19  katika Tawala za Mikoa  na Mamlaka za  Serikali za Mitaa  leo katika ukumbi  wa TAMISEMI  Mtumba Jijini Dodoma Waziri Ummy amesema  fedha hizo zitatumika kutekeleza vipaombele  mbalimbali katika Mikoa na Mamlaka za Serikali za Mitaa

Waziri Ummy amesema kuwa katika fedha hizo  shilingi bilioni 302.7  ni kwa ajili ya elimu msingi , bilioni 226.6  kwa ajili ya afya ya msingi, zikiwemo zahanati, vituo vya afya na Hosptali za Wilaya  na shilingi bilioni 5 kwa ajili ya kuboresha miundombinu  na mazingira ya kufanyia bishara au wajasiriamli wadogo

Amesema fedha zimeelekezwa kwenye maeneo ambayo yanawagusa wananchi lengo likiwa ni  kuwaondolea kero katika kuzifikia na kuzipata huduma za afya, elimu,  kuwawezesha wananchi kiuchumi na kuwakinga  dhidi ya ugonjwa wa UVIKO-19

Waziri Ummy aneendelea kufafanua kuwa kwa upande wa Elimu Msingi fedha hizo zitatumika kuongeza vyumba vya madarasa 12,000 katika shule za Sekondari  kwa kuwa wanafunzi wanaotarajiwa kufaulu na kujiunga na kidato cha kwanza januari, 2022 ni wanafunzi miliomi 1,022,936, ambapo uhitaji wa vyumba vya madarasa madarasa 20, 535 wakati madarasa yanayoachwa na wanafunzi wanaomaliza kidato channe mwaka huu ni vyumba vya madarasa 8,535 hivyo kunauhitaji wa vyumba vya madarasa.

Amesema ongezeko la vyumba vya madarasa kutawasaidia wanafunzi  6000  kuwa na madarasa  na kuwaondolea changamoto ya upungufu wa madarasa ya kuanza kidato cha kwanza kwa asilimia 100 katika shule zetu za sekondari, pia fedha hizo zitatumika kununua viti na meza  6000  na kuboresha mazingira ya kufundisha na kujifunzia

Vilevile Waziri Ummy amesema shilingi bilioni 226.6 zinaelekezwa katika huduma za afya ya msingi ambapo kutaanzishwa huduma za dharura katika Halmashauri 75 na kujenga majengo ya huduma za wagonjwa mahututi 25 katika Halmashauri 25 za kimkakati, ambapo vigezo viliyotumika ni kuangalia idadi ya watu, maeneo yenye umbali mrefu wa upatikanaji wa huduma za dharura, maeneo yenye milipuko ya magonjwa na maeneo yenye chagamoto za ajali.

Amesema kwenye huduma za afya ya msingi kutasimikwa  mitambo mitano ya kufua Oxygen  katika Halmashauri  5 ambapo vigezo vilivyptumika ni maeneo yenye magonjwa yenye mlipuko wa mara kwa mara, maeneo yenye wananchi wengi na maeneo yaliyombali na makao makuu ya  halmashauri.pia zitanunuliwa  magari ya kubebea wagonjwa  195 na ununuzi  wa magari kwa ajili ya usimamizi wa afya msingi

Aidha Waziri Ummy amesema kutanunuliwa mitambo 60 ya huduma ya mionzi (mashine za X-RAY) ambazo zitapelekwa kwenye Hospitali za Halmashauri ambazo hazina mashine hizo ambapo shilingi bilioni 25.2 kwa ajili ya kuweka mashine za Xray na kila mashine itagharimu kiasi cha shilingi milioni 420