SIJARIDHISHWA NA UJENZI SHULE YA SEKONDARI MASWA - KAIRUKI

Posted on: November 27th, 2022

Angela Msimbira  MASWA

Waziri wa Nchi Ofisi ya Rais Tawala za Mikoa na Setikali za Mitaa Mhe. Angellah Kairuki amesema kuwa   hajaridhishwa na ujenzi wa shule ya Sekondari Nyongo iliyojengwa katika kata ya Sola, Halmashauri ya Wilaya Maswa, Mkoani Simiyu kupitia mradi wa kuboresha shule za sekondari(Sequip.) 

Ameyasema hayo leo tarehe 27 Novemba, 2022 alipokuwa akikagua maendeleo  ya ujenzi wa shule hiyo iliyojengwa kupitia mradi wa uboreshaji wa elimu ya Sekondari nchini (Sequip).

“Ninamashaka na ujenzi wa shule hii kwanza umaliziaji wake upo chini ya viwango, maabara hazijakamilika  inavyotakiwa hii haikubaliki”amesema Waziri Kairuki

Ameagiza uongozi wa Mkoa wa Simiyu kuhakikisha wanaimarisha usimamizi wa ujenzi wa miradi mbalimbali iinayotekelezwa katika Halmashauri hiyo ili dhamani ya fedha inayotumika iende sambamba na ubora wa kazi zinazofanyika.

Amewaagiza  wataalam wa Mikoa na Halmashauri wakiwemo  wahandisi wa Halmashauri kutimiza wajibu wao wa kutoa maelekezo ya kuboresha kwa mafundi wanaojenga miradi ya ujenzi wa miundombinu ya elimu.

“Mnawajibu wa kusimamia kwa umakini miradi inayotekelezwa katika Halmashauri zenu kwa kuwa ninyi  ndio jicho la Serikali timizeni majukumu yenu ipasavyo”amesisitiza Waziri Kairuki

Aidha, Waziri Kairuki ametoa  siku saba kwa Taasisi ya Kuzuia na Kupambama na Rushwa (TAKUKURU) pamoja  na Mkaguzi wa Ndani wa Halmashauri hiyo kufanya uchunguzi wa matumizi ya fedha za ujenzi wa shule hiyo na kuwasilisha taarifa  Ofisi ya Rais - TAMISEMI