Jafo awapongeza Jiji la Tanga kwa usimamizi wa Miradi ya maendeleo

Imewekwa tar.: January 31st, 2019

Waziri wa Nchi Ofisi ya Rais Tawala za Mikoa na Serikali za Mitaa Mhe. Selemani Jafo amewapongeza viongozi na watendaji wa Jiji la Tanga kwa usimamizi mzuri wa miradi ya maendeleo inayotekelezwa na Jiji hilo.

Mhe. Jafo  ameyasema hayo leo wakati  akikagua  miradi ya maendeleo inayotekelezwa Mkoani Tanga ambayo ipo chini ya Ofisi ya Rais Tawala za Mikoa na Serikali za Mitaa.

Mhe Jafo  alitembelea ujenzi wa Dampo la Kisasa, ujenzi wa barabara za lami Jijini Tanga, ujenzi wa hospitali ya Wilaya,  pamoja na maandalizi ya ujenzi wa kituo cha afya cha  Mwakidila Mkoani humo.

Amewapongea viongozi na watendaji kwa usimamizi mzuri wa miradi yao ya maendeleo jambo ambalo linaonyesha chachu ya mabadiliko katika kuleta maendeleo Jijini Tanga

Wakati huohuo,  Mhe. Jafo amempongeza mbunge wa Viti Maalum wa Mkoa wa Tanga Mhe.  Ummy Mwalimu ambaye ni Waziri wa Afya kwa kuwapambania wananchi wa Jiji la Tanga katika miradi mbalimbali ya maendeleo ikiwemo miradi ya afya,  elimu, na barabara.

Aidha Mhe. Jafo amemalizia ziara yake kwa kuwataka wananchi wa Tanga kushirikia katika kufanikisha miradi ya maendeleo ambayo ni utekelezaji wa Ilani ya  Chama cha Mapinduzi (CCM.)