Historia ya taasisi

Usuli

Uanzishwaji wa Wizara ya Tawala wa Mikoa na Serikali za Mitaa imetajwa katika Katiba ya Jamhuri ya Muungano wa Tanzania Ibara ya 8 (1) 145 na 146 ya 1977 na marekebisho mengine mengi yaliyofuata.

Mwaka wa 1982 chini ya Bunge la Jamhuri ya Muungano wa Tanzania  lilipitisha Sheria ya Mamlaka za Serikali za mitaa No 7 (Cap 287) na Sheria ya Mamlaka za Mjini No 8 (Cap 288).

Sheria hizi mbili zilitoa mamlaka kwa Waziri mwenyedhamana na tawala za Mikoa na Serikali za Mitaa juu ya uanzishwaji wa Mamlaka za serikali za Wilaya, Vijiji, Miji midogo, pamoja na Mitaa.

Hata hivyo Wizara imepitia mabadiliko ya Uboreshaji wa huduma zake chini ya Wizara tofauti kama ifuatavyo:

Mwaka 1990

Wizara hii ilijulikana kama, Wizara ya Serikali za Mitaa, Maendeleo ya Jamii, Ushirika na Masoko na mwishoni mwa miaka ya 1990

Mwaka 1998

Kazi za Wizara zilihamishiwa kwenye ofisi ya Waziri Mkuu na hivyo kutengeneza idara mbili ambazo zilihusika Tawala za Mikoa na Tawala za Serikali za Mitaa.

Novemba, 2000

Katika mwaka huo kazi za MRALG zilihamishiwa Ofisi ya Rais (PORALG).

Desemba, 2005

Kazi za Wizara zilihamishiwa tena kwenda Ofisi ya Waziri Mkuu (PMORALG)

Hata hivyo Desemba, 2015 kazi za Wizara zilihamishiwa tena Ofisi ya Rais Tawala za Mikoa na Serikali za Mitaa inayo endelea hadi sasa.

HISTORY-OF-LOCAL-GOVERNMENT-SYSTEM IN-TANZANIA.pdf